ભરૂચ GIDC કંપનીમાં બ્લાસ્ટ થતાં 3 કામદારોના મોત

ભરૂચ જિલ્લામાં અંકલેશ્વર નજીક પાનોલી જીઆઈડીસીમાં આરએસપીએલ કંપનીમાં બ્લાસ્ટ થતાં ત્રણ કામદારોના મોત નિપજ્યા છે.

ભરૂચ જિલ્લામાં અંકલેશ્વર નજીક પાનોલી જીઆઈડીસીમાં આરએસપીએલ કંપનીમાં બ્લાસ્ટ થતાં ત્રણ કામદારોના મોત નિપજ્યા છે. આ અંગે પ્રાપ્ત વિગત અનુસાર સવારે 5.30ના સુમારે આ કંપનીમાં બ્લાસ્ટ થતાં આજુબાજુ ખળભળાટ મચી ગયો હતો.

કંપનીમાં રાખવામાં આવેલા ટેન્કરમાંથી કેમિકલ અનલોડિંગ કરતા સમયે અગમ્ય કારણોસર બ્લાસ્ટ થયો હતો. આ કારણોસર યુનિટમાં અફડાતફડી મચી જવા પામી હતી. આ ઘટનામાં ત્રણ કામદારોના ઘટનાસ્થળે જ મોત નિપજ્યા હતા. આ બનાવ બનતા ફાયરબ્રિગેડ અને પોલીસ ઘટના સ્થળે પહોંચી હતી અને બ્લાસ્ટ થવાના કારણની તપાસ હાથ ધરવામાં આવી છે.