રાષ્ટ્રીય રક્ષા યુનિવર્સિટી અને ભારતીય કોસ્ટ ગાર્ડ દરિયાઈ સુરક્ષા પ્રશિક્ષણમાં નવો માર્ગ બનાવશે

રાષ્ટ્રીય રક્ષા યુનિવર્સિટી (RRU) ખાતેની સ્કૂલ ઓફ ઈન્ટીગ્રેટેડ કોસ્ટલ એન્ડ મેરીટાઇમ સિક્યોરિટી સ્ટડીઝ (SICMSS) દ્વારા ''સંકલિત કોસ્ટલ એન્ડ મેરીટાઇમ સિક્યુરિટી અને મહાસાગર શાસન'' પર 3- અઠવાડિયાના પ્રમાણિત તાલીમ કાર્યક્રમના પ્રથમ સત્રના ઉદ્ઘાટનનું આયોજન કરાયું હતું. આ પ્રસંગે કોસ્ટ ગાર્ડના નોર્થ- વેસ્ટ રિજનના કમાન્ડર ઇન્સ્પેક્ટર જનરલ એ.કે. હરબોલાએ હાજરી આપી હતી.

SICMSSના નિયામક સુશીલ ગોસ્વામીએ 15 વરિષ્ઠ- સ્તરના કોસ્ટ ગાર્ડ અધિકારીઓની ક્ષમતાઓને વધારવામાં કાર્યક્રમના મહત્વ પર ભાર મૂક્યો હતો. ગોસ્વામીએ ઉભરતા દરિયાઈ સુરક્ષા જોખમોનો અસરકારક રીતે સામનો કરવા માટે, RRU ના પ્રશિક્ષણની મદદથી, ઉચ્ચ કૌશલ્ય અધિકારીઓમાં કાર્યક્રમના મહત્વ પર ભાર મૂક્યો હતો.

SICMSS ના મદદનીશ નિયામક અંકુર શર્માએ કાર્યક્રમની વ્યાપકતા પર પ્રકાશ પાડ્યો હતો, જેમાં દરિયાઈ કાયદાઓથી લઈને દરિયાઈ ફોરેન્સિક અને પુરાતત્વશાસ્ત્ર જેવા અદ્યતન ડોમેન સુધીના આવશ્યક વિષયોને આવરી લેતા 54 સત્રોનો સમાવેશ થાય છે.

SICMSS ના મુખ્ય માર્ગદર્શક અને ભારતીય કોસ્ટ ગાર્ડના ભૂતપૂર્વ મહાનિર્દેશક, ડો. પ્રભાકરન પાલેરીએ જરૂરી જ્ઞાન સાથે અધિકારીઓને સશક્ત બનાવવાના કાર્યક્રમના દૃષ્ટિકોણને સ્પષ્ટ કર્યું હતુ. ઈન્સ્પેક્ટર જનરલ એ.કે. હરબોલાએ આરઆરયુના નેતૃત્વ માટે તેમના સમર્થન માટે આભાર વ્યક્ત કર્યો હતો, વધતી દરિયાઈ પ્રવૃત્તિઓના પ્રકાશમાં કાર્યક્રમની આવશ્યકતા પર ભાર મૂક્યો અને કોસ્ટ ગાર્ડ અધિકારીઓને શક્ય તેટલું વધુ શીખવા વિનંતી કરી હતી.

યુનિવર્સીટીના કુલપતિ પ્રો. (ડૉ.) બિમલ એન. પટેલે દરિયાકાંઠાની સરહદોની સુરક્ષામાં ભારતીય કોસ્ટ ગાર્ડની મહત્ત્વની ભૂમિકાની પ્રશંસા કરી હતી અને દરિયાઈ સ્તરમાં વધારો, IUU માછીમારી અને આતંકવાદ જેવા પડકારો પર પ્રકાશ પાડ્યો હતો જે અસરકારક પ્રતિકારની માંગ કરે છે. 

SICMSS, RRU અને ભારતીય કોસ્ટ ગાર્ડ વચ્ચેનો ગાઢ સહયોગ, વિવિધ ICG સવલતોમાં અસંખ્ય તાલીમ સત્રો દ્વારા ઉદાહરણરૂપ છે, જે સહયોગી પ્રયાસો દ્વારા રાષ્ટ્રીય સુરક્ષાને મજબૂત બનાવવાની દિશામાં નોંધપાત્ર પ્રગતિનું પ્રતીક છે.