ઉપરાષ્ટ્રપતિની ચૂંટણી જાહેર, 9 સપ્ટેમ્બરે મતદાન થશે

ભારતના આગામી ઉપરાષ્ટ્રપતિના ચૂંટણીને લઈને પ્રક્રિયા ઔપચારિક રીતે શરૂ થઈ ગઈ છે. ચૂંટણી આયોગે શુક્રવારે ચૂંટણી કાર્યક્રમ જાહેર કરતા જણાવ્યું હતું કે ઉપરાષ્ટ્રપતિ પદ માટેનું મતદાન આવતા 9 સપ્ટેમ્બરે યોજાશે. ચૂંટણી આયોગ દ્વારા બહાર પાડાયેલા શેડ્યુલ મુજબ, 7 ઑગસ્ટે ચૂંટણી માટે સત્તાવાર નોટિફિકેશન જાહેર કરવામાં આવશે. ત્યારબાદ ઇચ્છુક ઉમેદવારો 21 ઑગસ્ટ સુધી પોતાનું ઉમેદવારી ફોર્મ ભરી શકશે. 22 ઑગસ્ટે ઉમેદવારી ફોર્મની ચકાસણી કરાશે.

ભારતના આગામી ઉપરાષ્ટ્રપતિના ચૂંટણીને લઈને પ્રક્રિયા ઔપચારિક રીતે શરૂ થઈ ગઈ છે. ચૂંટણી આયોગે શુક્રવારે ચૂંટણી કાર્યક્રમ જાહેર કરતા જણાવ્યું હતું કે ઉપરાષ્ટ્રપતિ પદ માટેનું મતદાન આવતા 9 સપ્ટેમ્બરે યોજાશે. ચૂંટણી આયોગ દ્વારા બહાર પાડાયેલા શેડ્યુલ મુજબ, 7 ઑગસ્ટે ચૂંટણી માટે સત્તાવાર નોટિફિકેશન જાહેર કરવામાં આવશે. ત્યારબાદ ઇચ્છુક ઉમેદવારો 21 ઑગસ્ટ સુધી પોતાનું ઉમેદવારી ફોર્મ ભરી શકશે. 22 ઑગસ્ટે ઉમેદવારી ફોર્મની ચકાસણી કરાશે.

ઉલ્લેખનીય છે કે જો વિરોધ પક્ષ તરફથી કોઈ ઉમેદવાર ઉભો ન રહે, તો સત્તારૂઢ ગઠબંધનના ઉમેદવાર નિર્વિરોધ ચુંટાઈ જવાની શક્યતા વધારે રહેશે. જોકે ઉપરાષ્ટ્રપતિની ચૂંટણીમાં મતદાન ગુપ્ત હોય છે, જેના કારણે ક્રોસ વોટિંગની સંભાવના રહે છે. જેના કારણે રાજકીય સમીકરણની બાબતો પર સૌની નજર રહેશે. સાથે સાથે, ભારત ચૂંટણી આયોગે (ECI) ઉપરાષ્ટ્રપતિ ચૂંટણી માટે મતદાતાઓની યાદી તૈયાર કરી લીધી છે.

ECI અનુસાર, રાષ્ટ્રપતિ અને ઉપરાષ્ટ્રપતિ ચૂંટણી નિયમો, 1974ના નિયમ 40 મુજબ આયોગે મતદાતાઓની યાદી તૈયાર કરી છે, જેમાં તમામ સભ્યોના તાજા સરનામા પણ સામેલ કરવામાં આવ્યા છે. આ યાદી રાજ્ય/કેન્દ્ર શાસિત પ્રદેશ મુજબ વર્ણમાળાના ક્રમમાં ગોઠવવામાં આવી છે. ભારત ચૂંટણી આયોગમાં સહાયક નિદેશક અપૂર્વકુમાર સિંહે જણાવ્યું કે આ યાદી નોટિફિકેશનની તારીખથી આયોગમાં સ્થપિત કાઉન્ટર પર ખરીદી માટે ઉપલબ્ધ રહેશે. જણાવી દઈએ કે જગદીપ ધનખડના રાજીનામા બાદ ભારત ચૂંટણી આયોગે ઉપરાષ્ટ્રપતિ પદની ચૂંટણીની તૈયારી શરૂ કરી હતી. તાજેતરમાં આયોગે ઉપરાષ્ટ્રપતિ ચૂંટણી માટે રિટર્નિંગ ઓફિસર અને સહાયક રિટર્નિંગ ઓફિસરની નિમણૂક પણ કરી હતી. ECIએ જણાવ્યું હતું કે, ગઈકાલની ઉપરાષ્ટ્રપતિ ચૂંટણી વખતે લોકસભાના મહાસચિવને રિટર્નિંગ ઓફિસર તરીકે નિયુક્ત કરવામાં આવ્યા હતા. તેથી આ વખતની ચૂંટણી માટે ચૂંટણી આયોગે કાનૂની મંત્રાલય સાથેની ચર્ચા અને રાજ્યસભાના ઉપસભાપતિની સંમતિ બાદ રાજ્યસભાના મહાસચિવને રિટર્નિંગ ઓફિસર તરીકે નિયુક્ત કર્યા છે.