ગુજરાતમાં ઓક્ટોબરની અસહ્ય ગરમી વચ્ચે હવામાન વિભાગની આગાહી

ગુજરાતમાં ઓક્ટોબરની અસહ્ય ગરમી વચ્ચે હવામાન વિભાગની આગાહી

હવામાન વિભાગની નવીનતમ આગાહી મુજબ, આગામી ૭ દિવસ દરમિયાન રાજ્યના હવામાનમાં મોટા ફેરફારની કોઈ શક્યતા નથી અને તાપમાન યથાવત્ રહેશે. જોકે, રાહતના સમાચાર એ છે કે 19 ઑક્ટોબરના રોજ રાજ્યના કેટલાક દક્ષિણ અને દરિયાકાંઠાના વિસ્તારોમાં સામાન્યથી મધ્યમ વરસાદ વરસી શકે છે.

19 ઑક્ટોબરે કયા વિસ્તારોમાં રહેશે વરસાદની સંભાવના?

હવામાન નિષ્ણાતોના જણાવ્યા અનુસાર, ટ્રફ સક્રિય થવાના કારણે અમરેલી, ભાવનગર, વલસાડ, નવસારી, દમણ અને દાદરા નગર હવેલીમાં વરસાદની શક્યતા વ્યક્ત કરવામાં આવી છે. 

અમદાવાદમાં ગરમીએ તોડ્યા રેકોર્ડ: 9 વર્ષ બાદ તાપમાન 38.5 ડિગ્રીએ પહોંચ્યું

રાજ્યમાં ચોમાસાની વિદાય બાદ પણ ઑક્ટોબર મહિનામાં ગરમીનો પ્રકોપ યથાવત્ જોવા મળી રહ્યો છે. અમદાવાદ શહેરમાં મહત્તમ તાપમાન 38.5 ડિગ્રી સેલ્સિયસ નોંધાયું છે, જેણે છેલ્લા 9 વર્ષના રેકોર્ડને સ્પર્શ કર્યો છે. અગાઉ વર્ષ 2017ના ઓક્ટોબર મહિનામાં અમદાવાદનું મહત્તમ તાપમાન 39.4 ડિગ્રી સેલ્સિયસ નોંધાયું હતું.

હવામાન વિભાગની આ આગાહી મુજબ આગામી દિવસોમાં તાપમાનમાં કોઈ ખાસ ઘટાડો થવાની સંભાવના નથી, જેથી નાગરિકોને બપોરના સમયે કાળઝાળ ગરમી સામે સાવચેતી રાખવા સલાહ આપવામાં આવી છે.