ગુજરાત

સરદાર સરોવર નર્મદા ડેમ માં ગત વર્ષ કરતા ઓછા પાણીને કારણે ગુજરાત સરકારે, ગુજરાત ભરમાં ખેડૂતોને સિંચાઈ માટે પાણી આપવાનું બંધ કરવાનો આગવો નિર્ણય લીધો જેથી, આગામી ઉનાળામાં ગુજરાતની પ્રજાને પીવાના પીવાના પાણી માટે કોઈ સંકટ ના રહે અને માટે જ નર્મદા બંધ સ્થળથી, ગુજરાતના વિવિધ વિસ્તારોમાં 241 કિમિમાં 950 સુરક્ષા કર્મચારીઓ સુરક્ષા પહેરો ભરે છે અને SRP જવાનો ની ટીમ તેનાત કરી દેવાઈ છે, કેનાલો પર 5 પીઆઇ, 10 પીએસઆઇ 735 જેટલા સુરક્ષા કર્મીઓ કામ કરે છે, જેમાં નર્મદા મુખ્ય કેનાલથી બોડેલી, હાલોલ, લાડવેલ, ગાંધીનગર, મોઢેરા, રાધનપુર, દિયોદર, વિસ્તારોમાં સુરક્ષા કરે છે.

 અરવલ્લી  જીલ્લાના ધનસુરા કોલેજ ખાતે રાજ્યના મંત્રી રમણભાઈ પાટકરની હાજરીમાં ધનસુરા કોલેજના કોમ્યુનિટી હોલના દાતા અને ભાજપના પૂર્વ મહામંત્રી અને પૂર્વ સાંસદ જયંતીભાઈ બારોટના તેલચિત્રના અનાવરણનો કાર્યક્રમ યોજાયો હતો. તેની સાથે ધનસુરા કોલેજનો ૩૩મો વાર્ષિકોત્સવ ઉજવાયો હતો. બી.એ  અને બી.કોમ ના સેમ -૬ ના વિદ્યાર્થીઓ અને એમ.એ સેમ-૪ ના વિદ્યાર્થીઓનો વિદાયસમારંભ પણ યોજાયો હતો. વિશિષ્ટ સિદ્ધી મેળવનાર વિદ્યાર્થીઓના ઇનામ વિતરણનો કાર્યક્રમ યોજાયો હતો.

ભૂકંપ વખતે તંત્રની સજ્જતા તપાસવા આજે રાજ્ય સ્તરે ખાસ મોકડ્રીલનું આયોજન કરાયું હતું. આજે સવારે કચ્છના દૂધઈ પાસે 7.7ની તીવ્રતાનો ભૂકંપ આવ્યાના સંદેશ સાથે મોકડ્રીલનો પ્રારંભ થયો હતો. જે અંતર્ગત ક્રાઈસીલ મેનેજમેન્ટ ગ્રૂપની તાત્કાલિક બેઠક બોલાવાઈ હતી. ગાંધીનગર ખાતે મળેલી ડિઝાસ્ટર મેનેજમેન્ટની બેઠકમાં થયેલી ચર્ચા અંગે મુખ્યમંત્રી વિજય રૂપાણીએ પણ માહિતગાર કરાયા હતા. આ ક્વાયત અંતર્ગત રાજકોટ ખાતે પણ બેઠક અને બચાવ કામગીરી હાથ ધરાઈ હતી. મોકડ્રીલના ભાગરૂપે ભૂકંપની અસરગ્રસ્ત આઠ જિલ્લામાં સેટેલાઈટ ફોનથી સંપર્ક કરાયો હતો. એ જ રીતે અમદાવાદ ખાતે ઈમારત ધરાશાયી થયા બાદની બચાવ કામગીરી શરૂ કરાઈ હતી.

ગૃહમાં પાટીદાર આગેવાનોની સામે થયેલા કેસો પાછા ખેંચવા અંગે સરકારે જણાવ્યું હતું કે અમારા અધિકારક્ષેત્રમાં આવતા તમામ કેસો અમે પાછા ખેંચી લીધા છે. પરંતુ જેમની સામે ગંભીર ગુનાઓ નોંધાયા છે. તે કેસો પાછા ખેંચાયા નથી. તો ગૃહમંત્રી પ્રદીપસિંહ જાડેજાએ ગૃહ બહાર જણાવ્યું હતું કે ગુજરાત સરકાર નશાબંધી અંગે જાગૃત છે, અને તેનો ભંગ કરનાર સામે કડકમાં કડક પગલાં તથા દંડની જોગવાઇ કરી છે. 

વિધાનસભાની ગુરૂવારની કાર્યવાહીમાં પૂરક માંગણીઓ પરની ચર્ચા હાથ ધરવામાં આવી હતી. બહુમતીથી ગૃહમાં આજે 695.98 કરોડ રૂપિયાથી વધુ પૂરક માંગણીઓ મંજૂર કરવામાં આવી હતી.પુરક માંગણીઓ પરની ચર્ચામાં ભાગ લેતાં કોંગ્રેસના ધારાસભ્ય અનિલભાઈ જોશિયારાએ આદિજાતિ પેટા યોજનાના પડતર નાણા અન્ય ઠેકાણે વાપરી ન શકાય, તો બોડેલીના ધારાસભ્ય સુખરામભાઈ રાઠવાએ તેમના તાલુકામાં સેવાસદનની કામગીરી કરવા અને કોલેજ બનાવવા અંગે માંગ કરી હતી.

અમદાવાદઃ જબ કુત્તે પે સસ્સા આયા, તબ અહમદશાહને શહર બસાયા.. અમદાવાદ શહેર સાથે 6 સદીથી વધુનો ઈતિહાસ જોડાયેલો છે.  છત્તાં આજે અડિખમ ઉભું છે. આજે અમદાવાદનો 608મો સ્થાપના દિવસ છે. અમદાવાદની સ્થાપના 26મી ફેબ્રુઆરી 1411ના દિવસેબાદશાહ અહમદશાહે કરી હતી...... અહમદશાહે ૨૬ ફેબ્રુઆરી ૧૪૧૧ના રોજ શહેરનો પાયો માણેક બુર્જ પાસે નાખ્યો ૧.૨૦ બપોરે, ગુરૂવાર, હિજરી વર્ષ ૮૧૩ તેણે નવી રાજધાની ૪ માર્ચ ૧૪૧૧ના રોજ નક્કી કરી હતી.

રંગોનો મહા પર્વ ધૂળેટી નજીક આવી રહ્યો છે ત્યારે આ પર્વે આડેધડ કલર લગાવતા અને જાહેર રસ્તા પર શાળા, કૉલેજ, સોસાયટી અને પાન ગલ્લાના નાકે આવારાગર્દી કરતા તત્ત્વોને પાઠ ભણાવવા મોરબીમાં સામૂહિક રજૂઆત થઈ છે. મોરબીમાં મહિલાઓએ મોટી સંખ્યામાં પોલીસ સ્ટેશને જઈ ધૂળેટી નિમિત્તે કેમિકલ રંગો અને લાલ માટીના દુરુપયોગ તેમજ પર્વ પર રંગ લગાડવાના બહાને બહેન-દીકરીઓની થતી છેડતી અને હેરાનગતિ સામે કડક પગલાં લેવા રજૂઆત કરી હતી.

આહવાના ડૉ.આંબેડકર ભવન ખાતે જિલ્લાના પંચાયતી રાજના પ્રતિનિધિઓ માટે જિલ્લા પંચાયતની આરોગ્ય શાખા દ્વારા એક સેમિનાર યોજાઈ ગયો. આ સેમિનારને સંબોધતા સાંસદ શ્રી ડૉ. કે. સી. પટેલે ચૂંટાયેલા જન પ્રતિનિધિઓ તથા જાગૃત મિડિયા કર્મીઓ સ્વસ્થ સમાજ નિર્માણમાં અગત્યની ભૂમિકા અદા કરી શકે છે તેમ જણાવ્યું હતું. દક્ષિણ ગુજરાતના પ્રજાજનોમાં સિકલસેલ, એનિમિયા જેવા રોગોનું પ્રમાણ ચિંતાજનક રીતે વધુ છે તેમ જણાવી તેમણે રોગોને નાબૂદ કરવા લાંબા ગાળાના આયોજનો હાથ ધરવા હિમાયત કરી હતી.