ઉપરવાસમાં વરસાદ થકી ઉકાઈ ડેમના 13 દરવાજા ખોલાયાં
Live TV
-
22-09-2020 | 6:15 pm
Share Now
દક્ષિણ ગુજરાતની જીવાદોરી સમાન ઉકાઈ ડેમના ઉપરવાસમાં છેલ્લા ત્રણ દિવસથી પડી રહેલા વરસાદને પગલે ડેમમાં પાણીની આવક થતા ડેમના સત્તાધીશો દ્વારા ડેમના 22 દરવાજા પૈકી 13 દરવાજા ખોલી તાપી નદીમાં પાણી છોડવાનું શરૂ કરવામાં આવ્યું છે.
ડેમની હાલની સપાટીની વાત કરીએ તો ડેમની સપાટી 343.52 ફૂટ પર પોહચી જવા પામી છે અને ડેમમાંથી 1 લાખ 73 હજાર ક્યુસેક પાણી હાલ તાપી નદીમાં છોડાઈ રહ્યું છે જેની સામે ડેમમાં પાણીની આવક 1 લાખ 21 હજાર છે હાલ ડેમમાંથી પાણી છોડવામાં આવતાની સાથે તાપી નદીની આસપાસના ગામોને સાવચેતીના ભાગરૂપે એલર્ટ કરવામાં આવ્યા છે.
