રાજ્યમાં ચાલી રહેલા સુજલામ સુફલામ અભિયાન અંતર્ગત શિક્ષણ રાજ્યમંત્રી વિભાવરીબહેન દવેએ ભાવનગર જિલ્લાના જેસર તાલુકાના વિવિધ ગામોમાં તળાવો ઊંડા કરવાના કાર્યનું નિરિક્ષણ કર્યું હતું. તેમણે જણાવ્યું હતું કે, તળાવો ઊંડા કરવાના કારણે 1500 ઘનમીટર માટી નીકળશે જેનો ઉપયોગ જનહિતાર્થે કરવામાં આવશે. સુજલામ સુફલામ યોજના હેઠળ થનારા કામો પૈકી ભાવનગરમાં 518 કામો થશે. જિલ્લાના તળાવો, ચેકડેમ, વનતલાવડીમાં જન સંગ્રહની ક્ષમતા વધારવાના તમામ પ્રયત્નો કરવામાં આવશે. રાબાની કાંસનું તળાવ ઊડું ઊતારવામાં આવી રહ્યું છે, જે પૈકી આશરે 24.96 લાખના ખર્ચે આ કામ પૂર્ણ કરાશે.

જે વાલીઓ પોતાના સંતાનોને ખાનગી શાળામાં ભણાવવાનો મોહ રાખતા હોય તેમની દિશા સરકારી શાળાના અભ્યાસ તરફ દિશા સૂચવતો પરિવાર મોરબીના ભરતભાઈ પંચોલીનો છે. ભરતભાઈએ પોતે સરકારી શાળામાં અભ્યાસ કર્યો હતો અને તેમના દીકરા સત્યેને પણ સરકારી શાળામાં જ અભ્યાસ કરીને તાજેતરમાં ધોરણ બારના વિજ્ઞાન પ્રવાહમાં 81. 24 ટકા સાથે 93.21 પીઆર અને ગુજકેટમાં 95. 30 પીઆર મેળવીને સિદ્ધિ પ્રાપ્ત કરી છે. સત્યેને જણાવ્યું હતું કે ખાનગી શાળાની મસમોટી ફી ભરવાને બદલે સરકારી શાળામાં માત્ર રૂપિયા 240 ફી અને નજીવા ખર્ચમાં તેણે ગુણવત્તાસભર અભ્યાસ કર્યો છે.

મોરબી જિલ્લાના ટંકારા નગરમાં રહેતા 17 વર્ષના દિવ્યાંગ આર્યન અંદરપાએ ટૅક્નૉલૉજી સાથે તાલ મિલાવીને બધાને દંગ કરી દીધા છે. જન્મ સમયે ઝાઝરથી પીડાઈ રહેલા આર્યને સાત વર્ષની ઉંમરે આંખની રોશની ગુમાવી દીધી હતી, પરંતુ ગુગલની મદદથી નવી ટૅક્નૉલૉજી સાથે તાલ મિલાવીને યૂ ટ્યૂબ પર ટેક વીથ આર્યન નામે ચેનલ પણ ચલાવે છે. પ્રજ્ઞા ચક્ષુ પોતાના મોબાઈલ પર સરળતાથી ઑપરેટ કરી શકે તેવા વિડિયો અપલૉડ કરે છે અને ટૅક્નૉલૉજી વિશે માહિતી પણ આપે છે. આર્યનની ચેનલના ચાર હજાર સબસ્ક્રાઇબર છે અને 10 હજાર જેટલી વ્યૂઅરશિપ પણ ધરાવે છે. હાલ ,11 આર્ટ્સમાં અભ્યાસ કરી રહેલા આર્યનને તેમના માતા-પિતા સતત પ્રેરણા આપતા રહે છે.

મોદી સરકારનું બેટી બચાવો બેટી પઢાવો અભિયાન હવે ઘર ઘર સુધી પહોંચ્યું છે. ત્યારે 'ડાન્સ ઈન્ડિયા ડાન્સ', 'ઈન્ડિયા ગૉટ ટેલેન્ટ 2' રિયાલીટી શોનો પ્રતિસ્પર્ધી દિવ્યાંગ વિનોદ ઠાકુર 'બેટી બચાવો બેટી પઢાવો' અભિયાનને જન જન સુધી પહોંચાડવા માટે યાત્રાએ નીકળ્યા છે.

દિલ્હીથી મુંબઈ વ્હીલચેર પર 1600 કિલોમીટરની યાત્રાએ નીકળેલા દિવ્યાંગ વિનોદ ઠાકુર ગઈકાલે સાબરકાંઠાના હિંમતનગર ખાતે આવી પહોંચ્યા હતા. જ્યાં તેમનું મમતા વિકલાંગ શિશુ વિહાર દ્વારા ભવ્ય સ્વાગત કરવામાં આવ્યું હતું. મહત્વનું છે વિનોદ ઠાકુર શરીરથી વિકલાંગ છે પરંતુ મનથી એકદમ તંદુરસ્ત છે. તેમણે અનેક રિયાલીટી શૉમાં પોતાનું કરતબ બતાવ્યું છે.

અમેરિકા, બ્રિટન અને ઑસ્ટ્રેલિયાએ રશિયાની સરકાર પર રાજકીય અને આર્થિક જાસૂસી માટે દુષ્ટ ઈરાદાથી વૈશ્વિક ઇન્ટરનેટ ઉપકરણને લક્ષ્ય બનાવવાનો આક્ષેપ કર્યો છે. આ દેશોએ કહ્યું છે કે રશિયાની કાર્યવાહીમાં કથિ રીતે ઇન્ટરનેટ રાઉટર અને અન્ય ઉપકરણમાં માલવૅર રોપવાનો સમાવેશ થાય છે, જેના કારણે તે ભવિષ્યમાં સાઇબર એટેક કરી શકે છે.

હૈદરાબાદના સાત વર્ષના પર્વતારોહી સમન્યૂ પોથુરાજુએ આફ્રિકાના સૌથી ઊંચા પર્વત માઉન્ટ કિલિમાંજારો પર ચડીને તિરંગો લહેરાવ્યો છે. પોથુરાજુએ સાબિત કરી બતાવ્યું છે કે જો નાની ઉંમરમાં પણ કંઈક કરી બતાવવાની અદમ્ય ઈચ્છા હોય તો ગમે તેવી મોટી મુશ્કેલી છતાં સિદ્ધિ મેળવી શકાય છે.

એમ કહેવાય છે કે આફ્રિકાના તાંજાનિયાનો માઉન્ટ કિલિમાંજારો એવો પર્વત છે જ્યાં ઠંડીના કારણે ભલભલા ગભરાઈ જાય. પરંતુ માત્ર સાત વર્ષના પોથુરાજુએ આ પર્વત પર જીત મેળવીને દેશનું નામ ઉજાળ્યું છે. બે એપ્રિલે સમન્યુ પોથુરાજુએ પોતાના પ્રશિક્ષક સાથે સમુદ્ર તળથી 5,895 મીટર ઊંચાઈ પર તિરંગો લહેરાવ્યો હતો.

કેકેઆરનું ટ્રમ્પ કાર્ડ સુનીલ નરેને દિલ્લીની ઇનિંગ્સમાં 12 ઑવરમાં ક્રિસ મોરિસની વિકેટ લેતા જ ઇતિહાસ રચી દીધો. તે સાથે જ નરેન આઈપીએલમાં 100 વિકેટ લેનાર પહેલો વિદેશી સ્પિનર બની ગયા. તે પહેલાં કોઈ પણ વિદેશી સ્પિનર આઈપીએલમાં 100 વિકેટ નથી લઈ શક્યા. જોકે આ ટુર્નામેન્ટમાં વિકેટોની સદી પૂરી કરનારા 11મા ખેલાડી છે. સૌથી વધુ વિકેટો લેનારામાં તેમનો ક્રમ 10મો છે. સુનીલ નરેન ભલે નાગરિકત્વની રીતે ટ્રિનિદાદના હોય, પરંતુ વંશની રીતે તેઓ મૂળ ભારતીય વંશના છે.

19 વર્ષની ઉજ્જવળ ટીવી કારકિર્દી છોડીને કોઈ વ્યક્તિ પોતાના ગામના ઉદ્ધારમાં લાગી જાય તો? 'સ્વદેશ' ફિલ્મ જેવી વાર્તા લાગે ને? પરંતુ આ સત્ય છે. અભિનેતા રાજેશ કુમાર જે 'બા, બહુ ઔર બેબી', 'સારાભાઈ વર્સિસ સારાભાઈ', 'કૉમેડી સર્કસ', 'ભૂતવાલા સિરિયલ', 'મિસીસ એન્ડ મિ. શર્મા અલાહાબાદ વાલે', જેવી સિરિયલોથી જાણીતા છે, તેમણે પોતાની 19 વર્ષની ઉજ્જવળ ટીવી કારકિર્દી છોડી દીધી છે. કારણ?

ગુજરાતમાં પાકિસ્તાન સીમાની પાસે એરબેઝ બનાવવા માટે કેન્દ્ર સરકારે મંજૂરીની મહોર મારી દીધી છે. આ યોજના હેઠળ   બનાસકાંઠા ડીસાનું એરપોર્ટ એરફોર્સના એરબેઝ તરીકે વિકસાવવાનો નિર્ણય કરવામાં આવ્યો છે. ડીસાના એરપોર્ટને એરબેઝ તરીકે વિકસાવવાના કેન્દ્ર સરકારે લીધેલાં વ્યૂહાત્મક નિર્ણયથી દૂરોગામી પરિણામો મળી શકશે. ડીસા ગુજરાત અને રાજસ્થાનની બોર્ડર પર મેડિકલ અને કરિયાણાની સેવામાં  અગ્રેસર છે. 1946માં પણ  અંગ્રેજ સરકારે અહીંથી હવાઇ સેવા ચાલુ કરી હતી. બટાકાના ઉત્પાદન અને સંગ્રહનું આ મોટુ કેન્દ્ર છે. આથી ડીસા એરબેઝ ડીસાથી 25 કી.મી.