રાજ્યપાલએ ગ્રામજનોને રાસાયણિક ખાતર અને જંતુનાશકોનો ત્યાગ કરીને દેશી ગાય આધારિત પ્રાકૃતિક ખેતી અપનાવવા આહ્વાન કર્યું હતું.તેમણે જણાવ્યું કે રાસાયણિક ખાતરો જમીનને બિનઉપજાઉ બનાવે છે, જ્યારે પ્રાકૃતિક ખેતીમાં જીવામૃત, ઘનજીવામૃત અને અળસિયા જમીનની ફળદ્રુપતા અને પાણી શોષવાની ક્ષમતા વધારે છે. તેમણે ચેતવણી આપી કે રાસાયણિક ખાતરયુક્ત ખોરાકને કારણે કેન્સર, ડાયાબિટીસ અને કિડની સંબંધિત ગંભીર બીમારીઓનું જોખમ વધી રહ્યું છે. પ્રાકૃતિક ખેતી આગામી પેઢીને શુદ્ધ ખોરાક, હવા અને પાણી આપવા માટે જરૂરી છે.

આર્મીના ગજરાજ કોર્પ્સ દ્વારા 16,000 ફૂટની ઊંચાઈ પર કાર્યરત થઈ શકે તેવી સ્વદેશી હાઇ-એલ્ટિટ્યુડ મોનોરેલ સિસ્ટમ વિકસાવવામાં આવી છે.આ સિસ્ટમ ખાસ કરીને કામેંગ હિમાલય જેવા વિસ્તારોમાં, જ્યાં ઊંચાઈ અને અણધારી હવામાનને કારણે સપ્લાય રૂટ અવરોધાય છે, ત્યાં ફોરવર્ડ લશ્કરી પોસ્ટ્સ માટે જીવનરેખા સાબિત થશે.આ અનોખી મોનોરેલ સિસ્ટમ એક સમયે 300 કિલોગ્રામથી વધુ વજન વહન કરી શકે છે. તે શસ્ત્રો, દારૂગોળો, રાશન, બળતણ અને ભારે સાધનો સહિત આવશ્યક પુરવઠો પહોંચાડી શકે છે.

આ પોર્ટલ વીજ ઉત્પાદનથી માંડીને ગ્રાહકોના વીજ વપરાશ સુધીનો તમામ ડેટા સંગ્રહિત કરશે અને ભવિષ્યની યોજનાઓના અમલીકરણ માટે ચાવીરૂપ સાબિત થશે.પોર્ટલમાં રાજ્યના તમામ સબ સ્ટેશન અને સબ ડિવિઝનની માહિતી ફિડ કરવામાં આવી છે. આનાથી કયા વિસ્તારમાં અને કયા સમયે કેટલો વીજ વપરાશ થાય છે, તેનો રિયલ ટાઇમ ડેટા ઉપલબ્ધ થશે. ગ્રાહક સેવાઓ સુદૃઢ કરવા માટે વીજ વપરાશ ઉપરાંત લાઇન ટ્રીપ, શટ ડાઉનનો સમયગાળો જેવી તમામ માહિતી આ પોર્ટલ પરથી મળી રહેશે.

તેમણે ગુજરાત ઊર્જા વિકાસ નિગમ (GUVNL) અને મધ્ય ગુજરાત વીજ કંપની (MGVCL)ના વિવિધ પ્રોજેક્ટ્સ અને કામગીરીનું નિરીક્ષણ કર્યું હતું.મુલાકાત દરમિયાન, મંત્રીએ વીજ વિતરણથી માંડીને ફરિયાદ નિવારણ સુધીના દરેક તબક્કામાં ઓટોમેશન (Automation) વધારવા પર વિશેષ ભાર મૂક્યો હતો, જેથી સેવાઓની કાર્યક્ષમતા અને ઝડપમાં વધારો થઈ શકે.મંત્રીએ આ કેન્દ્રની મુલાકાત લીધી, જે ઊર્જા વિભાગના હ્રદય સમાન છે. તેમણે અહીં વીજળીની માંગ અને પુરવઠાનું 24x7 સંતુલન જાળવવાની તથા એનર્જી અકાઉન્ટિંગની વ્યવસ્થા નિહાળી હતી.અહીં ટ્રાન્સફોર્મર અને સ્ટેપ અપ-ડાઉનની પ્રક્રિયાનું નિરીક્ષણ કરી વીજ સેવાઓ બહેતર બનાવવા માર્ગદર્શન આપ્યું હતું.

આ પ્રસંગે પ્રો. કોલેવે મહત્ત્વની જાહેરાત કરતા જણાવ્યું હતું કે, 'પદ્મશ્રી'થી સન્માનિત અને NFSUના સ્થાપક કુલપતિ ડૉ. જે.એમ. વ્યાસને IAFSના 'ગ્લોબલ ફોરેન્સિક એમ્બેસેડર' (વૈશ્વિક ફોરેન્સિક રાજદૂત) તરીકે નિયુક્ત કરવામાં આવ્યા છે.પ્રો. કોલેવે ફોરેન્સિક વિજ્ઞાનને વૈશ્વિક સ્તરે આગળ વધારવામાં ડૉ. વ્યાસના અનુકરણીય નેતૃત્વની પ્રશંસા કરી હતી.આંતરરાષ્ટ્રીય સલાહકાર સમિતિમાં નિયુક્તિ: આ ઉપરાંત, ડૉ. વ્યાસને મે-2026 દરમિયાન સોફિયા, બલ્ગેરિયામાં યોજાનારી આગામી IAFS-2026 કોન્ફરન્સ માટે આંતરરાષ્ટ્રીય સલાહકાર સમિતિમાં પણ નિયુક્ત કરવામાં આવ્યા છે.

આ પ્રસંગે પ્રધાનમંત્રી નરેન્દ્ર મોદીએ તેમને શ્રદ્ધાંજલિ અર્પણ કરી હતી.પ્રધાનમંત્રી મોદીએ સોશિયલ મીડિયા પર પોસ્ટ કરીને લખ્યું કે, "પૂર્વ પ્રધાનમંત્રી પંડિત જવાહરલાલ નેહરુને તેમની જન્મજયંતિ પર શ્રદ્ધાંજલિ."આધુનિક ભારતને આકાર આપવામાં તેમના નેતૃત્વ ઉપરાંત, પંડિત નેહરુ બાળકો પ્રત્યેના તેમના ઊંડા સ્નેહ અને ચિંતા માટે પણ યાદગાર છે.

પ્રધાનમંત્રી મોદીના હસ્તે કેન્દ્ર અને રાજ્ય સરકારના ₹9700 કરોડથી વધુના વિકાસકાર્યો (લોકાર્પણ અને ખાતમુહૂર્ત)ની ભેટ આપવામાં આવશે.₹7667 કરોડના મૂલ્યની વિવિધ પરિયોજનાઓ, જેમાં 190 આશ્રમ શાળાઓ, 50 એકલવ્ય મોડેલ રેસિડેન્શિયલ સ્કૂલનું ખાતમુહૂર્ત અને 01 લાખ પાકા આવાસોનું લોકાર્પણ સામેલ છે. ₹2112 કરોડના વિકાસકાર્યો, જેમાં માર્ગ અને મકાન, શહેરી વિકાસ, સ્વાસ્થ્ય, અને પાણી પુરવઠા વિભાગના પ્રોજેક્ટ્સનો સમાવેશ થાય છે.

બાળરોગ વિભાગના વડા ડૉ. પ્રાર્થના ખારોડ પટેલના માર્ગદર્શન હેઠળ અને સમગ્ર ડૉક્ટર્સ તેમજ નર્સિંગ સ્ટાફના સહયોગથી આ કાર્યક્રમ સફળતાપૂર્વક યોજાયો હતો, જેમાં લગભગ 300 જેટલા બાળકોએ ઉત્સાહભેર ભાગ લીધો હતો.

બાળકો પોલીસમેન, ભારત માતા, ચંદ્રશેખર આઝાદ, મહાત્મા ગાંધી, ભગતસિંહ, જવાહરલાલ નેહરુ, માનનીય વડાપ્રધાન શ્રી નરેન્દ્ર મોદી, ડૉક્ટર, પાયલોટ અને શ્રીકૃષ્ણ જેવા વિવિધ રાષ્ટ્રીય તેમજ પ્રેરણાદાયક પાત્રોના વેશમાં સજ્જ થઈને આવ્યા હતા, જેણે કાર્યક્રમની શોભા વધારી હતી.

નાણાકીય સેવાઓ વિભાગના સચિવ એમ. નાગરાજુએ આરોગ્યસંભાળ ક્ષેત્રમાં ફુગાવા અને વધતા પ્રીમિયમ ખર્ચ જેવા મુદ્દાઓ પર ચર્ચા કરવા માટે વીમા કંપનીઓ અને હોસ્પિટલો સાથે બેઠકની અધ્યક્ષતા કરી હતી.આ બેઠકમાં જનરલ ઇન્શ્યોરન્સ કાઉન્સિલ, એસોસિએશન ઓફ હેલ્થકેર પ્રોવાઇડર ઇન ઇન્ડિયા (AHPI), મેક્સ હેલ્થકેર, ફોર્ટિસ હેલ્થકેર, એપોલો હોસ્પિટલ્સ અને ન્યૂ ઇન્ડિયા એશ્યોરન્સ કંપની લિમિટેડ, સ્ટાર હેલ્થ ઇન્શ્યોરન્સ અને બજાજ આલિયાન્ઝ જનરલ ઇન્શ્યોરન્સ કંપની જેવી વીમા કંપનીઓના પ્રતિનિધિઓ હાજર રહ્યા હતા.

રાજ્યપાલએ પ્રાકૃતિક કૃષિને માનવ જીવનમાં સકારાત્મક બદલાવ લાવનારી કૃષિ સંસ્કૃતિ ગણાવી. તેમણે જણાવ્યું કે પ્રધાનમંત્રી નરેન્દ્ર મોદીના નેતૃત્વમાં રાષ્ટ્રીય પ્રાકૃતિક કૃષિ મિશનના પ્રોત્સાહક પરિણામો આવી રહ્યા છે અને ગુજરાત તેનું નેતૃત્વ કરી રહ્યું છે.કૃષિ યુનિવર્સિટીઓના સંશોધનોએ સાબિત કર્યું છે કે પ્રાકૃતિક કૃષિથી ઉત્પાદનમાં ઘટાડો થતો નથી તેમજ જમીન અને પર્યાવરણની ગુણવત્તામાં સુધારો થાય છે.ગ્રાહકોનો વિશ્વાસ જાળવી રાખવા માટે પ્રાકૃતિક કૃષિની પેદાશોના યોગ્ય સર્ટિફિકેશનની વ્યવસ્થા ગોઠવવા રાજ્યપાલએ સૂચન કર્યું.