ગઈકાલે અમદાવા કોર્ટે આપેલ ગૌ હત્યા કેસના ચૂકાદા મુદ્દે ગૃહરાજ્યમંત્રીની પ્રતિક્રિયા - કહ્યું, અમે ગૌ રક્ષા માટે મજબૂતીથી ઉભા છીએ -ગુજરાત પોલીસ અને કાયદા વિભાગને ગૃહરાજ્યમંત્રીએ પાઠવ્યા અભિનંદન...
ગૃહ રાજ્યમંત્રી હર્ષ સંઘવીએ વિધાનસભાના સત્ર બાદ મહત્વની જાણકારી આપી હતી. જેમાં તેમણે જણાવ્યું હતું કે, ગૌહત્યા પ્રતિબંધનો કાયદો લાવનાર ગુજરાત સરકાર દેશમાં પ્રથમ છે.
ગુજરાતમાં થોડા દિવસથી નરમ પડેલી ગરમીએ હવે ફરી માથું ઊંચક્યું છે. રાજ્યના તાપમાનમાં 2 થી 3 ડિગ્રીનો વધારો જોવા મળી રહ્યો છે.
41 ડિગ્રી મહત્તમ તાપમાન સાથે રાજકોટ રાજ્યનું સૌથી ગરમ શહેર તો અમદાવાદ, અમરેલી, વડોદરા, ભુજ, ડાંગ અને ગાંધીનગરમાં મહત્તમ તાપમાન 40 ડિગ્રીને પાર પહોંચ્યું.
હવામાન વિભાગની આગાહી અનુસાર આગામી 24 કલાક ગુજરાતમાં ગરમી યથાવત રહેશે. વેસ્ટર્ન ડિસ્ટબર્ન્સને કારણે આગામી બે દિવસ બાદ તાપમાનમાં 2 થી 3 ડિગ્રીનો ઘટાડો થશે.
‘મેક ઇન ઇન્ડિયા’ પહેલના પ્રારંભ પછી 2023-24 દરમિયાન ભારતે સ્વદેશી રક્ષા ઉત્પાદનમાં ઐતિહાસિક વૃદ્ધિ નોંધાવી છે. રક્ષા ઉત્પાદનનો આંકડો 1.27 લાખ કરોડ રૂપિયા સુધી પહોંચ્યો છે, જે અત્યાર સુધીનો સૌથી ઊંચો રેકોર્ડ છે.
મંત્રાલયે જણાવ્યું હતું કે, એક સમયે વિદેશી સપ્લાયર્સ પર નિર્ભર રહેતો આ દેશ હવે સ્વદેશી ઉત્પાદનમાં ઉભરતી શક્તિ બની ગયો છે અને સ્થાનિક ક્ષમતાઓ દ્વારા તેના લશ્કરી દળનું નિર્માણ કરી રહ્યો છે.
દેશની સંરક્ષણ નિકાસ પણ 2013-14માં 686 કરોડ રૂપિયાથી વધીને 2023-24માં 21 હજાર કરોડ રૂપિયાથી વધુ થઈ ગઈ. છેલ્લા 10 વર્ષમાં ભારતના રક્ષા નિકાસમાં 30 ગણા વૃદ્ધિ નોંધાઈ છે.
અમેરિકાના અધિકારીઓનું પ્રતિનિધિમંડળ આજે ભારતની મુલાકાત લેશે અને ભારતીય અધિકારીઓ સાથે વેપાર સંબંધિત ચર્ચાઓ કરશે.
આ મુલાકાત અમેરિકાના રાષ્ટ્રપતિ ડોનાલ્ડ ટ્રમ્પની યોજનાના સંદર્ભમાં છે, જેમાં તેઓ વિવિધ દેશો પર પ્રતિકૂળ ટેરિફ લાગુ કરવાની યોજના બનાવી રહ્યા છે, જેમાં ભારતનો પણ સમાવેશ થાય છે.
અમેરિકાના વેપાર અધિકારીઓ દ્વારા પ્રસ્તાવિત ટેરિફ 2 એપ્રિલથી અમલમાં આવવાની શક્યતા છે, જેના કારણે ભારતીય નિકાસકારોમાં ચિંતા વધી રહી છે.
"એક દેશ, એક ચૂંટણી" વિષય પર સંયુક્ત સંસદીય સમિતિની બેઠક આજે નવી દિલ્હીમાં સંસદ ભવન પરિસેર ખાતે યોજાશે.
આ સમિતિ દૂરસંચાર વિવાદ નિરાકરણ અને અપીલ ન્યાયાધિકરણ (TDSAT)ના અધ્યક્ષ અને દિલ્હી હાઈકોર્ટના પૂર્વ મુખ્ય ન્યાયાધીશ, ન્યાયમૂર્તિ ડી.એન. પટેલ સાથે ચર્ચા કરશે.
JPC દેશના હિતધારકો તરફથી તેમના વિચારો જાણી રહી છે. જેમાં ખેડૂત, પત્રકાર, જજ સહિત રાજનૈતિક દળોના નેતાઓનો સમાવેશ કરવામાં આવ્યો છે.
ત્યાર બાદ સમિતિ ભારતના એટર્ની જનરલ આર. વેંકટરમણી સાથે પણ બેઠક કરશે. સમિતિની આગામી બેઠક આગામી મહિનાની 2જી તારીખે યોજાશે, જેમાં બે અન્ય પ્રતિષ્ઠિત વ્યક્તિઓ સાથે ચર્ચા થશે.
સંસદના બજેટસત્રના બીજા તબક્કામાં આજે રાજ્યસભામાં બેન્કિંગ કાનૂન સંશોધન બિલ સહિત આપત્તિ વ્યવસ્થાપન સંશોધન બિલ પસાર થશે તો લોકસભામાં આજે બજેટ પર ચર્ચા.
સંસદના બંને ગૃહોમાં વિવિધ સંસાધનો સાથે જોડાયેલ બજેટીય પ્રાવધનો પર ચર્ચા ચાલી રહી છે. જે અંતર્ગત આજે રાજ્યસભામાં શૂન્યકાળ અને પ્રશ્નકાળ દરમિયાન રાજ્યસભામાં બેન્કિંગ સંશોધન વિધેયક-2024 વિચાર અને પસાર કરવાનો પ્રસ્તાવ નાણામંત્રી નિર્મલા સીતારમણ કરશે.
અમદાવાદમાં આજે ગુજરાત ટાઇટન્સ અને પંજાબ કિંગ્સ વચ્ચે મુકાબલો, અમદાવાદ ટ્રાફિક પોલીસ સજ્જ.
ઈન્ડિયન પ્રીમિયર લીગની 18મી સીઝનની પાંચમી મેચ આજે ગુજરાત ટાઇટન્સ અને પંજાબ કિંગ્સ વચ્ચે રમાશે. આ મેચ અમદાવાદના નરેન્દ્ર મોદી સ્ટેડિયમ ખાતે સાંજે 7:30 વાગ્યે શરૂ થશે.
ગુજરાતે તેના હોમ ગ્રાઉન્ડ નરેન્દ્ર મોદી સ્ટેડિયમમાં કુલ 16 મેચ રમી છે. જેમાંથી 9માં જીત મેળવી છે તો 7 મેચમાં હારનો સામનો કરવો પડ્યો છે. આ મેદાન પર ટીમે પોતાનું પહેલું IPL ટાઇટલ પણ જીત્યું છે.
પીએમ મોદીએ આગામી 'મન કી બાત' કાર્યક્રમ માટે નાગરિકોને તેમના સૂચનો શેર કરવા અપીલ કરી છે. આ કાર્યક્રમ 30 માર્ચે પ્રસારિત થશે.
પીએમ મોદીએ સોશિયલ મીડિયા પ્લેટફોર્મ X પર એક પોસ્ટ દ્વારા માહિતી શેર કરી હતી કે, આ મહિનાના 'મન કી બાત' માટે વ્યાપક સૂચનો મેળવીને તેઓ ખુશ છે. તેમણે પોસ્ટમાં લખ્યું, "આ મહિનાના 'મન કી બાત' માટે આટલી વિવિધ પ્રકારની માહિતી મેળવીને આનંદ થયો, જે 30મી તારીખે પ્રસારિત થશે. આ માહિતી સામાજિક ભલા માટે સામૂહિક પ્રયાસોની શક્તિને ઉજાગર કરે છે. હું આ એપિસોડ માટે વધુ લોકોને તેમના વિચારો શેર કરવા આમંત્રણ આપું છું."
પીએમ મોદીના 'આત્મનિર્ભર વિઝન' હેઠળ ભારત કઠોળમાં આત્મનિર્ભરતા તરફ ઝડપથી આગળ વધી રહ્યું છે. છેલ્લા 10 વર્ષમાં દેશમાં કઠોળની નિકાસ આયાત કરતા વધુ ઝડપથી વધી છે. કેન્દ્રીય કૃષિ અને ખેડૂત કલ્યાણ મંત્રાલય અને વાણિજ્ય અને ઉદ્યોગ મંત્રાલયના ડેટા અનુસાર "ભારતની કઠોળની નિકાસ નાણાકીય વર્ષ 2025ના એપ્રિલ-ડિસેમ્બર સમયગાળામાં રૂ.4,437 કરોડ હતી, જ્યારે સમગ્ર નાણાકીય વર્ષ 2015માં તે રૂ.1,218 કરોડ હતી. આમ, છેલ્લા 10 વર્ષમાં ભારતની કઠોળની નિકાસમાં 264.29 ટકાનો વધારો થયો છે."
નર્મદા જીલ્લામાંથી પસાર થતી નર્મદા નદીની ઉત્તરવાહિની પરિક્રમા 29 માર્ચથી શરૂ થઈ રહી છે. આ પરિક્રમા એક મહિના સુધી ચાલશે. અમરકંટકથી નીકળતી લોકમાતા નર્મદા રામપુરા પાસે ઉત્તરવાહીની થઈને વહે છે. અને જે સ્થળેથી પરિક્રમાની શરૂઆત થાય છે ત્યાં રામપુરા ખાતે જ પૂર્ણ થાય છે. 14 કિલોમીટરની પરિક્રમા માટે નર્મદા જિલ્લા વહીવટી તંત્ર સજ્જ બન્યું છે. પરિક્રમાવાસીઓને કોઈપણ પ્રકારની સમસ્યા ઉભી ન થાય તે માટે ની તમામ તૈયારી માટે તંત્ર દ્વારા સ્થળ વિઝિટ કરવામાં આવી છે. જે લોકો નર્મદાની સંપૂર્ણ પરિક્રમા નથી કરી શકતા તેઓ આ 14 કિલોમીટર ની પરિક્રમા કરીને ધન્યતા અનુભવે છે.
