હરિયાળું ભવિષ્ય સર્જવાના ક્લબના સંકલ્પના ભાગરૂપે, વિસ્તારના વાતાવરણ અને પર્યાવરણને અનુકૂળ એવી 100 સ્થાનિક જાતિના રોપાઓ વાવવામાં આવ્યા. આ કાર્યમાં પાલીતણા શહેરની એક શાળાના 25 વિદ્યાર્થીઓએ પણ ભાગ લીધો.

યુવાનોની ઊર્જા અને જિજ્ઞાસાએ કાર્યક્રમને વધુ વિશિષ્ટ બનાવી દીધો. ક્લબના સભ્યોએ, અધ્યક્ષ નમૃતા ચઢ્ઢાના નેતૃત્વ હેઠળ, કુદરતના સંરક્ષણ અને પૃથ્વીની રક્ષા અંગે જાગૃતિ ફેલાવી.આ પહેલ એક ટકાઉ ભવિષ્યની દિશામાં મહત્વપૂર્ણ પગલું છે અને રોટરી ક્લબ આ રોપાઓને ઘનિષ્ઠ વૃક્ષોમાં વિકસાવવા સાથે યુવા પેઢીને માર્ગદર્શન આપવાનું ચાલુ રાખશે.

ગાંધીનગર સેકટર-૨૨માં આવેલી આયુર્વેદિક હોસ્પિટલ જ્યાં 33 વર્ષથી સરકારી સેવા આપતા વૈધ રાકેશ ભટ્ટની દર્દીઓ આતુરતાથી રાહ જોતા હોય છે. વૈધ રાકેશ ભટ્ટ પ્રતિદિન આયુર્વેદિક હોસ્પિટલમાં 200 જેટલા દર્દીઓની સારવાર કરે છે. આ આયુર્વેદિક હોસ્પિટલમાં દેશ – વિદેશથી દર્દીઓ સારવાર અર્થે આવે છે અને સાજા થઈને આયુર્વેદ ચિકિત્સા પદ્ધતિની સાથે રાજ્ય સરકારનો પણ આભાર માને છે. 

7 ઓગસ્ટથી ભારતથી યુએસમાં નિકાસ કરવામાં આવતી કેટલીક ચીજવસ્તુઓ પર 25 ટકાના દરે પારસ્પરિક ટેરિફ લાદવામાં આવ્યો છે. એવો અંદાજ છે કે ભારતની અમેરિકામાં થતી કુલ વેપારી નિકાસના લગભગ 55 ટકા આ પારસ્પરિક ટેરિફને આધીન છે.

અત્યાર સુધી, ફાર્માસ્યુટિકલ્સ અને ઇલેક્ટ્રોનિક્સ જેવા ક્ષેત્રોમાં ભારતીય નિકાસ પર કોઈ વધારાની ડ્યુટી લાદવામાં આવી નથી.

કોઈપણ અપ્રિય ઘટનાના કિસ્સામાં 181 મહિલા હેલ્પલાઈનનો ઉપયોગ કેવી રીતે કરવો તે અંગે વિસ્તૃત સમજણ આપવામાં આવી હતી. બોડેલી એસટી ડેપો મેનેજર અને સ્ટાફે છોટા ઉદેપુર જિલ્લામાં કામ કરતી મહિલા કંડકટરોને સલામતીની જાગૃતિ અને હેલ્પલાઈનનો ઉપયોગ કરવા અંગે માર્ગદર્શન આપ્યું હતું.

જાતીય સતામણી, મુશ્કેલ સંજોગો, શારીરિક, માનસિક અથવા આર્થિક દુર્વ્યવહાર, મોબાઈલ ફોન દ્વારા સતામણી અને અશ્લીલ વિડીયો અથવા સંદેશાઓનું પ્રસારણ જેવી પરિસ્થિતિઓમાં સહાય મેળવવા માટેની પ્રક્રિયાઓ વિશે તેમને માહિતગાર કરવામાં આવ્યા હતા.

આ તકે રાજ્યપાલ આચાર્ય દેવવ્રતએ કહ્યું હતું કે, સંસ્કૃત એ માત્ર ભાષા નહીં, પરંતુ ભારતીય સંસ્કૃતિનું પ્રાણતત્વ છે. વેદો, ઉપનિષદો, શાસ્ત્રો, મહાકાવ્યો તથા વૈદિક વિજ્ઞાન બધું જ સંસ્કૃતમાં લખાયેલું છે. રાજ્યપાલએ પ્રાચીન ગુરુકુલ પરંપરાનો ઉલ્લેખ કરતાં જણાવ્યું કે, પ્રાચીન ભારતની શિક્ષણવ્યવસ્થા એટલી મજબૂત હતી કે, દેશમાં શિક્ષણ વિનાના લોકો શોધવા મુશ્કેલ હતા. છ વર્ષની ઉંમરે બાળકોને શિક્ષણ માટે ગુરુકુળ મોકલવાની પ્રથા, વૈદિક સંસ્કાર પદ્ધતિ અને દરેક નાગરિકને શિક્ષિત બનાવવાનો પ્રણાલીસભર પ્રયાસ પ્રાચીન સમયના ભારતનું લક્ષણ હતું. રાજ્યપાલએ પ્રાચીન ભારતીય સમાજની શિક્ષણની વ્યાપકતા પર પ્રકાશ પાડ્યો.

આ સેમિનાર ભારત સરકારના સંરક્ષણ ઉત્પાદન વિભાગ, ગુજરાત સરકારના ઉદ્યોગ અને ખાણ વિભાગ, GCCI અને લઘુ ઉદ્યોગ ભારતીના સંયુક્ત ઉપક્રમે આયોજિત કરવામાં આવ્યો આવ્યો હતો.ઉલ્લેખનીય છે કે, ભારતનું ડિફેન્સ મેન્યુફેક્ચરિંગ સેક્ટર એટલે કે સંરક્ષણ ઉત્પાદન ક્ષેત્ર ‘આત્મનિર્ભર ભારત’ના રાષ્ટ્રીય વિઝન અને વિકસિત ભારત @2047ના વ્યૂહાત્મક રોડમેપ દ્વારા સંચાલિત ઐતિહાસિક પરિવર્તનમાંથી પસાર થઈ રહ્યું છે.

તેમણે રાષ્ટ્ર અને રાજ્યના સતત વિકાસ અને પ્રગતિ તથા સૌ નાગરિકોની સુખાકારી, સમૃદ્ધિ, શાંતિ માટે હાટકેશ્વર દાદાને પ્રાર્થના કરી હતી. હાટકેશ્વર મંદિરનો સ્વદેશ દર્શન યોજના અને હેરિટેજ સર્કિટ પ્રોજેક્ટમાં સમાવેશ કરવામાં આવ્યો છે. એટલું જ નહીં, મંદિર પરિસરમાં યાત્રી સુવિધા વિકાસના પ્રથમ તબક્કાના રૂ. 18 કરોડના કામો અને બીજા તબક્કામાં રૂ. 4.22 કરોડના અનુદાનથી ગર્ભ ગૃહ, સભામંડપ, શિખર તથા યજ્ઞશાળા અને સ્વાગત કેન્દ્રના કામો પૂરા થયા છે.

તેમણે બેંગલુરુ મેટ્રો ફેઝ-2 ની યલો લાઇનનું ઉદ્ઘાટન કર્યું, જે 19 કિમીથી વધુ લાંબી છે અને તેમાં 16 સ્ટેશન છે. આ પ્રોજેક્ટ લગભગ 7,160 કરોડ રૂપિયાના ખર્ચે પૂર્ણ થયો છે. યલો લાઇન આરવી રોડ (રાગીગુડ્ડા) થી બોમ્માસંદ્રા સુધી જશે અને તેના ઉદઘાટન સાથે, બેંગલુરુ મેટ્રો નેટવર્કની કુલ લંબાઈ 96 કિમીથી વધુ થઈ ગઈ છે.

તેમણે રવિવારે મધ્યપ્રદેશના ઉમરિયામાં BEML રેલ હબ ફોર મેન્યુફેક્ચરિંગ (BRAHMA)નો શિલાન્યાસ કરતી વખતે આ વાત કહી. દેશમાં આધુનિક રોલિંગ સ્ટોક (રેલ્વે ટ્રેક પર ચાલતા બધા વાહનો) બનાવવા માટે આ ગ્રીનફિલ્ડ રેલ ઉત્પાદન સુવિધા સ્થાપિત કરવામાં આવશે. તેમણે ઓપરેશન સિંદૂરને જમ્મુ અને કાશ્મીરના પહેલગામમાં નિર્દોષ નાગરિકો પર થયેલા આતંકવાદી હુમલાનો યોગ્ય જવાબ ગણાવ્યો અને કહ્યું કે ભારત કોઈને ઉશ્કેરતું નથી, પરંતુ જે કોઈ ઉશ્કેરે છે તેને બક્ષવામાં આવશે નહીં.

રક્ષાબંધનના પર્વ પર દર વર્ષની જેમ આ વર્ષે પણ અમદાવાદ, રાજકોટ, સુરત, વડોદરા, સાબરકાંઠા, ખેડા, અરવલ્લી સહિતની વિવિધ જેલમાં સજા ભોગવતા ભાઈઓને પોતાની બહેન રાખડી બાંધી શકે તે માટે જેલ તંત્ર એ ખાસ આયોજન કર્યું હતું. લાંબા સમય બાદ આ પાવન પર્વ પર જેલમાં ભાઈ-બહેન મળતા હૃદયદ્રાવક દૃશ્યો જોવા મળ્યા હતા. રાખડી બાંધતા સમયે ભાઈઓ-બહેનો ધ્રુસકે ધ્રુસકે રડી પડ્યા હતાં અને એકબીજાને ભેંટી પડ્યાં હતાં. અહીં કેટલીક બહેનોએ ભાઈ જલ્દી જેલમાંથી છુટી બહાર આવે તે માટે ભગવાન અને સરકારને પ્રાર્થના કરી હતી તો બીજી તરફ કેદી ભાઈઓએ પણ બહેનને ભેટ સ્વરૂપે પર્યાવરણના જતન માટે એક છોડ આપ્યો હતો.