રાજ્યમાં ભારે વરસાદના કારણે જળાશયો છલકાયા છે. વિવિધ જિલ્લામાં ડેમો ઓવરફ્લો થયા છે અને નદીઓ બે કાંઠે થઇ છે. મહેસાણા જિલ્લાના ધરોઈ ડેમમાંથી પાણી છોડવામાં આવતા મુલાકાતીઓ માટે બંધ કરવામાં આવ્યો છે. વડાલી, સતલાસણા માર્ગ પણ બંધ કરવામાં આવ્યો છે. સાથે જ તંત્ર દ્વારા નીચણવાળા વિસ્તારોને એલર્ટ કરવામાં આવ્યા છે. અમરેલી જિલ્લામાં ભારે વરસાદના કારણે ધારીનો ખોડિયાર ડેમ 70 ટકા ભરાતાં હાઇએલર્ટ આપવામાં આવ્યું છે. ત્યારે જળાશય પૂર્ણ સપાટીએ ભરાતા ગમે તે સમયે ડેમના દરવાજા ખોલવામાં આવશે..

ભારતીય બેન્ચમાર્ક સૂચકાંકો જેવા કે સેન્સેક્સ અને નિફ્ટીએ સોમવારે સપ્તાહની શરૂઆત વધારા સાથે કરી હતી, કારણ કે અમેરિકામાં સંભવિત વ્યાજ દર ઘટાડા પછી IT શેરોમાં તેજી જોવા મળી હતી. જેના કારણે રોકાણકારોના સેન્ટિમેન્ટમાં વધારો થયો હતો. BSE સેન્સેક્સ 251.41 પોઈન્ટ અથવા 0.31 ટકા વધીને 81,558 પર પહોંચ્યો હતો. નિફ્ટી 0.29 ટકા વધીને 24,941 પર પહોંચ્યો હતો. ક્ષેત્રવાર જોઈએ તો, નિફ્ટી IT ઇન્ડેક્સમાં 1.77 ટકાનો ઉછાળો જોવા મળ્યો હતો, ત્યારબાદ નિફ્ટી મેટલ ઇન્ડેક્સમાં 0.88 ટકાનો ઉછાળો જોવા મળ્યો હતો. મોટાભાગના અન્ય સૂચકાંકોમાં મધ્યમ ઉછાળો જોવા મળ્યો હતો.

રાજ્યમાં વરસાદ અનરાધાર વરસી રહ્યો છે. આજે બનાસકાંઠા, સાબરકાંઠા, પાટણ, અને અરવલ્લીમાં છૂટાછવાયા સ્થળોએ અતિ ભારે વરસાદની વકી રહેલી છે, આ ઉપરાંત સૌરાષ્ટ્ર અને કચ્છમાં પણ ભારે વરસાદની વકી છે.  40થી 50 કિલોમીટરની ઝડપે પવન ફૂંકાશે. બંદરો પર 3 નંબરનું સિગ્લન લગાવવામાં આવ્યું છે અને માછીમારોને દરિયો ન ખેડવા સૂચના આપવામાં આવી છે.

હવામાન વિભાગની અતિ ભારે વરસાદની આગાહી

27 ઓગષ્ટથી દેશભરમાં સાર્વજનિક ગણેશ મહોત્સવનો પ્રારંભ થશે. ત્યારે મુંબઈના જગવિખ્યાત લાલબાગચા રાજાની પ્રથમ ઝલક જોવા મળી છે. હાથમાં ચક્ર, માથા પર મુગટ અને જાંબલી વસ્ત્રોમાં ગણપતિ બાપ્પાના ભવ્ય દર્શન કરી ભક્તોએ ધન્યતા અનુભવી છે. લાલબાગચા રાજાની પ્રથમ ઝલકનું વિશેષ મહત્વ રહેલું છે. ગણેશ ઉત્સવની શરૂઆત લાલબાગચા રાજાની પ્રથમ ઝલકથી થાય છે, જેને મરાઠીમાં 'શિવિરંબમ' કહેવાય છે. આ માત્ર એક ફોટોગ્રાફ નહીં, પરંતુ ભક્તોની શ્રદ્ધા, આશા અને ભક્તિનું પ્રતીક છે. આ મૂર્તિને "નવસાચા ગણપતિ" તરીકે ઓળખવામાં આવે છે, કારણ કે એવું માનવામાં આવે છે કે તે ભક્તોની મનોકામનાઓ પૂર્ણ કરે છે.

દિલ્હી મેટ્રો રેલ કોર્પોરેશન (DMRC)એ સોમવાર, 25 ઓગસ્ટથી શરૂ થતા ટિકિટ ભાડામાં સત્તાવાર રીતે સુધારો કર્યો હોવાથી રાષ્ટ્રીય રાજધાનીના મુસાફરોએ હવે તેમની મેટ્રો મુસાફરી માટે વધુ પૈસા ચૂકવવા પડશે. આઠ વર્ષમાં આ પહેલો ભાડા વધારો છે, જેમાં છેલ્લો સુધારો 2017માં ચોથી ભાડા નિર્ધારણ સમિતિની ભલામણોના આધારે કરવામાં આવ્યો હતો.

DMRCએ ભાડા વધારા પર શું કહ્યું ?

ઐશ્વર્ય પ્રતાપસિંહ તોમરે એશીયાઇ નિશાનેબાજી ચેમ્પિયન શીપમાં પુરુષોની 50 મીટર રાઈફલની પોઝીશન ઇવેન્ટમાં સુવર્ણ પદક જીત્યો છે. કઝાકિસ્તાનમાં આયોજિત એશીયાઇ ચેમ્પિયન શીપમાં શુટિંગમાં ઐશ્વર્ય તોમરે 462.5 સ્કોર કર્યો હતો. આ ઐશ્વર્યનું બીજું પદક છે, આ પહેલા તેઓએ 2023માં પણ સુવર્ણ પદક હાંસલ કર્યો હતો. ચીનના વેન્યુ ઝાઓએ 462 પોઈન્ટ સાથે સિલ્વર મેડલ જીત્યો, જ્યારે જાપાનના નાઓયા ઓકાડાએ 445.8 પોઈન્ટ સાથે બ્રોન્ઝ મેડલ જીત્યો હતો.

પ્રધાનમંત્રી નરેન્દ્ર મોદી સોમવારે ગુજરાતની બે દિવસીય મુલાકાતે આવશે. જે દરમિયાન તેઓ 5,400 કરોડ રૂપિયાથી વધુના અનેક માળખાગત સુવિધાઓ અને વિકાસ પ્રોજેક્ટ્સનું ઉદ્ઘાટન અને શિલાન્યાસ કરશે. આ પહેલો શહેરી વિકાસ, ઉર્જા, પરિવહન અને ગ્રીન મોબિલિટી સહિતના મુખ્ય ક્ષેત્રોને આવરી લે છે, જે 'આત્મનિર્ભર ભારત' અને 'મેક ઇન ઇન્ડિયા'ના વિઝનને આગળ વધારે છે. સોમવારે, પ્રધાનમંત્રી ગુજરાતના માળખાગત સુવિધાઓ અને સેવા વિતરણને આધુનિક બનાવવાના હેતુથી અનેક વિકાસ પ્રોજેક્ટ્સ રાષ્ટ્રને સમર્પિત કર્યા પછી, અમદાવાદના ખોડલધામ ગ્રાઉન્ડ ખાતે એક જાહેર સભાને સંબોધિત કરશે.

PMOએ નિવેદનમાં શું કહ્યું?

ફિજીના પ્રધાનમંત્રી સિટિવેની લિગામામાડા રાબુકા હાલમાં ભારતની તેમની પ્રથમ સત્તાવાર ત્રણ દિવસીય મુલાકાતે છે, તેઓ સોમવારે નવી દિલ્હીમાં પ્રધાનમંત્રી નરેન્દ્ર મોદી સાથે દ્વિપક્ષીય વાટાઘાટો કરવાના છે. આ પ્રસંગને યાદગાર બનાવવા માટે, પ્રધાનમંત્રી મોદી તેમના ફિજીયન સમકક્ષના માનમાં બપોરના ભોજનનું પણ આયોજન કરશે.

ફિજીના પ્રધાનમંત્રી કોણ કોણ ?

ઇસરો 2028 સુધીમાં પ્રોજેક્ટના પ્રથમ મોડ્યુલને લોન્ચ કરવાનું લક્ષ્ય રાખે છે અને 2035 સુધીમાં સમગ્ર સ્ટેશન કાર્યરત થવાની અપેક્ષા છે.તમને જણાવી દઈએ કે, BAS સ્વદેશી સંશોધન માટે એક મહત્વપૂર્ણ પ્લેટફોર્મ બનવા માટે તૈયાર છે, જેમાં માઇક્રોગ્રેવિટી અભ્યાસ અને લાંબા ગાળાના માનવ અવકાશ મિશન માટે ટેકનોલોજીના પરીક્ષણનો સમાવેશ થાય છે. ભારતની પોતાની ઓર્બિટલ લેબોરેટરી સ્થાપિત કરવાની સફર તેના અવકાશ કાર્યક્રમમાં એક મોટી છલાંગ છે. તે અવકાશ સંશોધનમાં વૈશ્વિક નેતા તરીકે તેની સ્થિતિને મજબૂત બનાવે છે.

તેમજ આગામી વર્ષોમાં ભારત દ્રારા ગગનયાન અને ભારતીય આગામી વર્ષોમાં ભારતીય અંતરિક્ષ સ્ટેશન (BAS) નાં આયોજન અંગે માહીતી મેળવી. ગુજરાતના તમામ જિલ્લાઓમાં અને રીજીયોનલ સાયન્સ સેન્ટર (RSCs) પર 12 દિવસના અવકાશ આઉટરીચ કાર્યક્રમોની ઊજવણી કરવામા આવેલ હતી.ગુજરાત સરકારના વિજ્ઞાન અને પ્રૌધોગિક વિભાગના નેજા હેઠળ કાર્યરત ગુજરાત કાઉન્સિલ ઓન સાયન્સ અને ટેકનોલોજી (GUJCOST) એ રાષ્ટ્રીય અવકાશ દિવસ 2025 ની 12 દિવસની ઉજવણી સફળતાપૂર્વક આજે પૂર્ણ કરી છે.