દેશ માટે તેના 100 સૂચકાંકોના ડેટાબેઝને અપડેટ કરતા, અહેવાલમાં જણાવાયું છે કે કોમોડિટીના નીચા ભાવ, ધીમી વૃદ્ધિ, મજબૂત રૂપિયો (અમેરિકન ડોલર સામે) અને ચીનથી આયાતી ડિઇન્ફ્લુએશનને કારણે મુખ્ય ફુગાવો પણ શ્રેણીબદ્ધ રહેવાની શક્યતા છે. આ સૂચકાંકો વિવિધ ક્ષેત્રોને પ્રતિબિંબિત કરે છે અને વિકાસનું વ્યાપક ચિત્ર રજૂ કરે છે. ખરેખર, નાણાકીય વર્ષ 2025-26 માટે રાજકોષીય ખાધના લક્ષ્ય પર બજેટ કરતા ઓછા નોમિનલ જીડીપી વૃદ્ધિ, સીધા કરમાં વધારો અને ઊંચા સંરક્ષણ ખર્ચને કારણે કેટલાક દબાણ છે.

S&P ગ્લોબલ રેટિંગ્સના ક્રેડિટ વિશ્લેષક દીપાલી સેઠ-છાબરિયાએ જણાવ્યું હતું કે નાણાકીય સેવાઓ ભારતના ચાર મુખ્ય વ્યૂહાત્મક ક્ષેત્રોમાંનું એક છે. આ કારણોસર, જાહેર સંસ્થાઓ (GRE) ને સરકારી સહાયથી વધુ ફાયદો થશે. "આ ખાસ કરીને GRE માટે સાચું છે જે નીતિગત ભૂમિકા ભજવે છે. અમારા મતે, સરકારી જોડાણો નાણાકીય મજબૂતાઈ, સસ્તું ભંડોળની પહોંચ અને સંપત્તિ ગુણવત્તા સહાય માટે એક પદ્ધતિ પૂરી પાડે છે," તેમણે ઉમેર્યું.

આગામી બે વર્ષમાં નાણાકીય GRE માટે લોન વૃદ્ધિ વાર્ષિક 15 ટકા રહેવાની ધારણા છે.

કેન્દ્રીય આરોગ્ય મંત્રાલયના જણાવ્યા અનુસાર, દેશમાં સૌથી વધુ સક્રિય કેસ કેરળમાં છે. આ પછી મહારાષ્ટ્ર અને દિલ્હીનો વારો આવે છે. કેરળમાં સક્રિય કોવિડ-19 કેસની સંખ્યા 430, મહારાષ્ટ્રમાં 209 અને દિલ્હીમાં 104 છે. 19 મે સુધીમાં રાષ્ટ્રીય રાજધાની દિલ્હીમાં 24 સક્રિય કેસ હતા. પરંતુ, માત્ર એક અઠવાડિયામાં 99કેસ વધુ વધ્યા છે, જ્યારે 24 દર્દીઓ અત્યાર સુધીમાં સ્વસ્થ થયા છે.કેન્દ્રીય આરોગ્ય મંત્રાલયની વેબસાઇટ પરના ડેટા અનુસાર, કેરળ (+355), મહારાષ્ટ્ર (+153) અને દિલ્હી (+24) સહિત અનેક રાજ્યોમાં સક્રિય કેસોમાં વધારો થયો છે.

ગાંધીનગરના જ-માર્ગ પર વર્ષોથી રાજભવન સ્ટાફ ક્વાર્ટર્સ હતા.  આચાર્ય દેવવ્રતજીએ ગુજરાતના રાજ્યપાલ તરીકે પદભાર સંભાળ્યો ત્યારે તેમણે અત્યંત જર્જરીત થઈ ગયેલા સ્ટાફ ક્વાર્ટર્સના નવનિર્માણનું કામ હાથમાં લીધું હતું. તા. 1 નવેમ્બર 2022 ના રોજ તેમણે આવાસીય પરિસરના નવનિર્માણ માટે ભૂમિપૂજન કર્યું હતું. આજે 937 દિવસમાં આ પરિસરમાં ચ-કક્ષાના 96, ઘ-કક્ષાના 32, ગ-1 કક્ષાના ચાર અને ક-કક્ષાના ચાર ભવ્ય આવાસોનું નિર્માણ કરાયું છે. આ ઉપરાંત આ પરિસરમાં ભવ્ય કોમ્યુનિટી હૉલ- 'સરસ્વતી સદનમ્', સંપૂર્ણ સુવિધાયુક્ત રાજભવન આરોગ્ય કેન્દ્ર, 10 દુકાનો અને વિશાળ ઉદ્યાનનું નિર્માણ સંપન્ન થયું છે.

કૃષ્ણનગરી દ્વારકાના પવિત્ર ગોમતી ઘાટ પર 10 ફૂટ સુધી મોજા ઉછળ્યા હતા. સાથે સાથે ગોમતી ઘાટ પર સહેલાણીઓનો જમાવડો જામ્યો હતો. જેને કારણે સ્થાનિક પાલિકાની ફાયર ટીમ, પોલીસ બંદોબસ્ત સાથે પ્રવાસીઓ નાહવા ન પડે તે માટે તૈનાત કરવામાં આવી છે.  ગોમતીના જૂના ઘાટો પર ઊભા રહેવું મુશ્કેલ બન્યું હતું..આખરનો સમય અને અમાસ હોવાથી દરિયામાં કરંટ દેખાયો હતો. 

અરબી સમુદ્ર ગાંડોતુર બન્યો

ઓપરેશન સિંદૂર બાદ વડાપ્રધાન નરેન્દ્ર મોદી પ્રથમ વખત ગુજરાતના પ્રવાસે છે. ત્યારે તેમની મુલાકાતના પ્રથમ દિવસે વડાપ્રધાન મોદી ગુજરાતના વડોદરા ખાતે પહોંચ્યા હતા, જ્યાં તેમનું ઉષ્માભર્યું સ્વાગત કરવામાં આવ્યું હતું. તેમના રોડ શો દરમિયાન હજારો લોકો તેમનું સ્વાગત કરવા માટે એકઠા થયા હતા.

રોડ શોમાં રાષ્ટ્રધ્વજ લહેરાવવામાં આવ્યો અને PM પર ફૂલોનો વરસાદ કરાયો 

BSE અને NSE સૂચકાંકો સેન્સેક્સ અને નિફ્ટીમાં સોમવારે વધારો નોંધાયો હતો. વિશ્વની સૌથી મોટી અર્થવ્યવસ્થાના રેન્કિંગમાં ભારતે જાપાનને પાછળ છોડીને એક નવું સ્થાન પ્રાપ્ત કર્યું છે. ભારતીય અર્થતંત્ર અંગેની આ માહિતી બજારમાં રોકાણકારોનો ઉત્સાહ વધારવામાં મદદરૂપ થયા છે. 

ભારતીય જનતા પાર્ટીના નેતા બૈજયંત જય પાંડાના નેતૃત્વમાં એક સર્વપક્ષીય પ્રતિનિધિમંડળ બહેરીનની સફળ મુલાકાત પૂર્ણ કર્યા બાદ સોમવારે કુવૈત પહોંચ્યું હતું. આ બે દિવસની મુલાકાત 'ઓપરેશન સિંદૂર'નો એક ભાગ છે, જેનો ઉદ્દેશ્ય આતંકવાદ સામે ભારતની 'ઝીરો ટોલરન્સ' નીતિ પર ભાર મૂકવાનો છે.

આતંકવાદ સામે ભારતના કડક સંદેશ સાથે પ્રતિનિધિમંડળ પહોંચ્યું 

દક્ષિણ પશ્ચિમ ચોમાસુ મહારાષ્ટ્રમાં પહોંચ્યું છે અને આગામી 3 દિવસમાં તે મુંબઇ અને અન્ય ભાગોમાં પહોંચી જવાની પણ આગાહી કરવામાં આવી છે.  ભારતીય હવામાન વિભાગે કહ્યું હતું કે,   મહારાષ્ટ્રમાં તટીય કોંકણ અને ગોવામાં  ભારે પ્રી મોન્સૂન વરસાદ થઈ રહ્યો છે.  મહારાષ્ટ્રના દક્ષિણ ભાગમાં દેવગઢમાં ચોમાસુ પ્રવેશી ચૂક્યું છે. કેરળની વાત કરવામાં આવે તો  હવામાન વિભાગે કરેલી ભારે વરસાદની આગાહીને પગલે  5 જિલ્લાઓમાં શૈક્ષણિક કાર્ય બંધ રાખવાની સૂચના આપી દેવામાં આવી છે.  જેમાં કોઝીકોડ, વાયનાડ માટે  રેડ એલર્ટ જાહેર કરવામાં આવ્યું છે.

ઇન્ડિયન પ્રેમિયર લીગ 2025ની 69મી મેચમાં મુંબઈ ઈન્ડિયન્સ અને પંજાબ કિંગ્સ સામ સામે ટકરાશે. આ મેચ જયપુરના સવાઈ માનસિંહ સ્ટેડિયમ ખાતે સાંજે 7:30 વાગ્યે શરૂ થશે. બંને ટીમો સિઝનમાં પહેલી વાર એકબીજાનો સામનો કરશે. મુંબઈ હાલમાં 13 મેચમાં 16 પોઈન્ટ સાથે પોઈન્ટ ટેબલ પર ચોથા ક્રમે છે. જ્યારે પંજાબ 13 મેચમાં 17 પોઈન્ટ સાથે બીજા સ્થાને છે. MI અને PBKS વચ્ચેની આ મેચ ખૂબ જ રોમાંચક બનવાની છે, કારણ કે ટોપ-2માં  સ્થાન મેળવવા માટે તે ખૂબ જ મહત્ત્વપૂર્ણ છે.

હેન્ડ ટુ હેડમાં મુંબઈ આગળ, સૂર્યકુમાર શાનદાર ફોર્મમાં