ભારતીય દોડવીરોએ એશિયન ચેમ્પિયનશિપમાં રિલેમાં સિલ્વર મેડલ જીત્યો, 2025 વર્લ્ડ એથ્લેટિક્સ ચેમ્પિયનશિપ માટે ક્વોલિફાય કર્યું

દક્ષિણ કોરિયાના ગુમીમાં યોજાયેલી 2025 એશિયન એથ્લેટિક્સ ચેમ્પિયનશિપમાં ભારતની મહિલા 4x100 મીટર રિલે ટીમે શાનદાર પ્રદર્શન કરી, 43.86 સેકન્ડના સમય સાથે સિલ્વર મેડલ જીત્યો. ટીમમાં શ્રાબણી નંદા, અભિનયા રાજરાજન, એસ.એસ. સ્નેહા અને નિત્યા ગાંધીનો સમાવેશ થાય છે. ચીને 43.28 સેકન્ડમાં દોડ પૂર્ણ કરીને ગોલ્ડ મેડલ જીત્યો, જ્યારે થાઇલેન્ડે 44.26 સેકન્ડ સાથે બ્રોન્ઝ મેડલ જીત્યો.

ઇઝરાયલે સીરિયાના દરિયાકાંઠાના પ્રાંત ટારટસ અને લતાકિયામાં અનેક લશ્કરી સ્થળો પર હવાઈ હુમલા કર્યા, જેમાં ભૂતપૂર્વ વિશેષ દળોનું મુખ્ય મથક અને નાગરિક વિસ્તારોની નજીક સ્થિત લશ્કરી થાણાઓનો સમાવેશ થાય છે.

બ્રિટન સ્થિત યુદ્ધ મોનિટર સીરિયન ઓબ્ઝર્વેટરી ફોર હ્યુમન રાઇટ્સના જણાવ્યા અનુસાર, ટારટસમાં હવાઈ હુમલામાં અગાઉ ખાસ દળો દ્વારા ઉપયોગમાં લેવાતી લશ્કરી સુવિધા તેમજ અલ-વુહૈબ ઔદ્યોગિક ક્ષેત્ર અને અલ-બ્લાટ્ટા બેરેકમાં સ્થળોને નિશાન બનાવવામાં આવ્યા હતા.

રાજ્યના 18 જિલ્લામાં 'ઓપરેશન શિલ્ડ' અંતર્ગત મોકડ્રીલ યોજાઈ રહી છે. અમદાવાદના કેન્ટોનમેન્ટ, ભાવનગર, સુરત સહિત ગાંધીનગરમાં મોકડ્રીલનું આયોજન કરાયું. NDRF, સેના, સિવિલ ડિફેન્સ, ફાયર વિભાગના જવાનો મોકડ્રીલમાં જોડાયા.

અમદાવાદમાં શાહીબાગ કેન્ટોનમેન્ટ ખાતે મોકડ્રીલ યોજાઈ. વિરમગામ પોલીસલાઇન ખાતે સિવિલ ડિફેન્સ અભ્યાસનું આયોજન કરાયું હતું. આ બંને સ્થળે સાંજે 5 વાગ્યાથી જુદી જુદી 6 પ્રકારની એક્ટિવિટીનો અભ્યાસ કરાયો.

ભરૂચ જિલ્લાના 3 તાલુકાના 67 ગામોમાં મનરેગામાં રૂ. 7.49 કરોડનું કૌભાંડ આચરાયા હોવાનું બહાર આવ્યું છે. મટિરિયલ્સ મુજબ અને માનવશ્રમના ઉપયોગ વિના યાંત્રિક, ગુણવત્તા વિનાનું કામ આચરાયું હોવાનો ફણગો ફૂટ્યો છે.

ભરૂચ જિલ્લા ગ્રામ વિકાસ એજન્સીના નિયામક અને જિલ્લા વિકાસ અધિકારીને ત્રણ તાલુકાના માર્ગ અને મકાન વિભાગની ટીમોએ તપાસ કરી રિપોર્ટ આપ્યો હતો. જિલ્લા ગ્રામ વિકાસ એજન્સી અને જિલ્લા વિકાસ અધિકારીના ધ્યાને જિલ્લાના આમોદ, જંબુસર અને હાંસોટના 67 ગામોમાં મનરેગા હેઠળ રોડ રસ્તાનો કોન્ટ્રાક્ટ વેરાવળની જલારામ એન્ટરપ્રાઇઝ તેમજ મુરલીધર એન્ટરપ્રાઇઝ એજન્સીઓને મળ્યો હતો.

અમેરિકી રાષ્ટ્રપતિ ડોનાલ્ડ ટ્રમ્પે જણાવ્યું છે કે તેઓ આગામી સપ્તાહથી સ્ટીલની વિદેશી આયાત પર ટેરિફ બમણી કરીને ૫૦ ટકા કરવાની યોજના બનાવી રહ્યા છે. ટ્રમ્પના આ નિર્ણયથી વિશ્વભરના સ્ટીલ ઉત્પાદકો માટે મુશ્કેલી ઊભી થઈ છે.

અમેરિકી રાષ્ટ્રપતિ ટ્રમ્પે સોશિયલ મીડિયા પ્લેટફોર્મ X પર જણાવ્યું, "અમે સંયુક્ત રાજ્ય અમેરિકામાં સ્ટીલ પર 25 ટકા ટેરિફ વધારી રહ્યા છીએ. અમે તેને 25 ટકાથી વધારીને 50 ટકા કરી રહ્યા છીએ. તેનાથી યુનાઇટેડ સ્ટેટ્સમાં સ્ટીલ ઉદ્યોગને વધારાનું રક્ષણ મળશે."

યોનહાપ ન્યૂઝ એજન્સીના અહેવાલ મુજબ, તેમણે પોસ્ટ કરી હતી કે 4 જૂનથી ઉચ્ચ ટેરિફ દર લાગુ પડશે.

ભારતનું વિદેશી હૂંડિયામણ 23 મેને સમાપ્ત થયેલા અઠવાડિયામાં 6.99 અબજ ડોલરથી વધીને 692.72 અબજ ડોલર થઈ ગયું છે, જે અત્યાર સુધીનું સર્વોચ્ચ સ્તર છે. ભારતીય રિઝર્વ બેંક (RBI) દ્વારા જાહેર કરાયેલા સાપ્તાહિક આંકડા અનુસાર, વિદેશી મુદ્રા ભંડારના મુખ્ય ઘટક એટલે કે વિદેશી ચલણ સંપત્તિઓમાં 4.52 અબજ ડોલરની વૃદ્ધિ નોંધાઈ છે, જે વધીને 586.17 અબજ ડોલર થઇ ગયું છે. તો સોનાના ભંડારમાં પણ નોંધપાત્ર વધારો થયો છે, જે 2.37 અબજ ડોલરથી વધીને 83.58 અબજ ડોલર સુધી પહોંચ્યું છે.

પ્રધાનમંત્રી નરેન્દ્ર મોદીએ ભોપાલના જમ્બુરી મેદાનમાં આયોજિત મહિલા સશક્તીકરણ મહાસંમેલન દરમિયાન લોકમાતા દેવી અહિલ્યાબાઈ હોલકરની 300મી જન્મજયંતિ પર 300 રૂપિયાનો વિશેષ સિક્કો બહાર પાડ્યો. આ સિક્કો ભારત સરકારના સંસ્કૃતિ મંત્રાલય દ્વારા બહાર પાડવામાં આવ્યો છે અને તેમાં અહિલ્યાબાઈ હોલકરની છબી દર્શાવવામાં આવી છે, જે તેમના ઐતિહાસિક વારસાને સન્માન આપે છે. 

સુરેન્દ્રનગર જિલ્લામાં નર્મદા, જળ સંપત્તિ, પાણી પુરવઠા અને કલ્પસર તથા વિવિધ વિભાગના રૂ. ૬૯૬.૨૫ કરોડના ૧૨ જેટલા વિકાસપ્રકલ્પોના લોકાર્પણ અને ખાતમુહૂર્ત. મુખ્યમંત્રી ભૂપેન્દ્ર પટેલનું ત્રિમંદિર હેલિપેડ, સુરેન્દ્રનગર ખાતે આગમન થતાં ઉપસ્થિત મહાનુભાવો દ્વારા ઉષ્માપૂર્ણ સ્વાગત તથા અભિવાદન કરવામાં આવ્યું હતું. આ પ્રસંગે મુખ્યમંત્રીએ જણાવ્યું હતું કે, સુજલામ સુફલામ યોજના અંતર્ગત હવે છેવાડાના ગામ સુધી પાણી પહોંચ્યું છે.

વધુમાં સાચા નેશનલ ફૂડ સિક્યુરિટી એક્ટ-NFSA કાર્ડ ધારકોએ e-KYC કરાવવું જરૂરી છે. અત્યાર સુધીમાં આ અંતર્ગત રાજ્યમાં ૮૫ ટકા કરતા પણ વધારે NFSA રેશનકાર્ડ ધારકોનું e-KYC પૂર્ણ કરવામાં આવ્યું છે. બાકીના સાચા NFSA રેશનકાર્ડ ધારકોને સમયસર પૂરતો અનાજનો જથ્થો મળી રહે તે માટે સત્વરે e-KYC કરાવી લેવા રાજ્ય સરકાર દ્વારા ખાસ અનુરોધ કરવામાં આવ્યો છે.

તેના પરિણામ સ્વરૂપે આજે ગુજરાતમાં વર્ષ-2013 થી શરૂ કરાયેલા ‘રાઈટ ટુ એજ્યુકેશન’–RTE એક્ટ હેઠળ અત્યાર સુધીમાં એટલે કે, વર્ષ 2024 -25 માં અંદાજિત  6.70 લાખથી વધુ વિદ્યાર્થીઓએ પ્રવેશ મેળવ્યો છે. જે અંતર્ગત રાજ્ય સરકારે વિદ્યાર્થીઓની ઇજ્જવળ કારકિર્દી માટે રૂ.3800કરોડથી વધુનો ખર્ચ કરીને જરૂરીયાતમંદ બાળકોને ગુણવત્તાયુક્ત શિક્ષણ આપવાનું ભગીરથ કાર્ય કર્યું છે.