તાજેતરના વર્ષોમાં ચીન સંસ્થાકીય વ્યવસ્થામાં સુધારો કરી રહ્યું છે અને RMBના સરહદ પાર ઉપયોગ માટે મૂળભૂત સુવિધાઓનું નિર્માણ કરી રહ્યું છે. ચીને નાણાકીય બજારની દ્વિ-માર્ગને વિસ્તૃત કર્યુ છે, જેનાથી સ્થાનિક અને વિદેશી સંસ્થાઓ માટે RMBનો ઉપયોગ કરવા માટે વધુ સારું નીતિગત વાતાવરણ બન્યું છે. RMBના આંતરરાષ્ટ્રીય ઉપયોગના વિવિધ સૂચકાંકો સતત સુધરી રહ્યા છે.

RMBના આંતરરાષ્ટ્રીયકરણની પ્રક્રિયામાં બહુપક્ષીય વિકાસ બેંકો અને મોટી વિદેશી મૂડી ધરાવતી સંસ્થાઓની સહાય અનિવાર્ય છે. જેમ જેમ સંબંધિત વ્યવસાય વધે છે, તેમ તેમ ઘણી આંતરરાષ્ટ્રીય નાણાકીય સંસ્થાઓ RMB ધિરાણ પસંદ કરે છે.

મુખ્યમંત્રી શ્રી ભૂપેન્દ્ર પટેલે ડૉ. ભીમરાવ આંબેડકરની ૧૩૪મી જન્મજયંતિ નિમિત્તે અમદાવાદમાં નગરયાત્રાને પ્રસ્થાન કરાવ્યું. 

રખિયાલ વિસ્તારમાં ડૉ. આંબેડકર ગૌરવ નગર યાત્રા મહોત્સવ સમિતિ દ્વારા આયોજિત આ નગરયાત્રાને મુખ્યમંત્રીશ્રીએ મંચ પરથી ફ્લેગ ઓફ કરાવી હતી.

મુખ્યમંત્રીશ્રીએ ડોક્ટર બી. આર. આંબેડકરજીની છબીને પુષ્પાંજલિ અર્પણ કરીને ભારતના બંધારણના ઘડવૈયા અને ભારતરત્ન એવા મહાપુરુષને શ્રદ્ધાસુમન અર્પણ કર્યા હતા.  

મુખ્યમંત્રીએ નગરયાત્રામાં સામેલ નાગરિક બંધુઓ, ટેબ્લો પ્રસ્તુતકર્તા  યુવાનો અને વિવિધ વેશભૂષામાં સજ્જ ભૂલકાઓનું અભિવાદન ઝીલ્યું હતું. 

અયોધ્યામાં ભવ્ય શ્રી રામ મંદિરના મુખ્ય શિખર પર બ્રાહ્મણોની હાજરીમાં વૈદિક વિધિ સાથે કળશ સ્થાપિત કરવામાં આવ્યો. આ પવિત્ર કાર્ય સવારે ૯:૧૫ વાગ્યે શરૂ થયું અને શિખર પર કળશની સ્થાપના સવારે ૧૦:૩૦ વાગ્યે પૂર્ણ થઈ.

ભારતના બંધારણના ઘડવૈયા ડૉ. બાબાસાહેબ આંબેડકરની જન્મજયંતિ નિમિત્તે નડિયાદમાં ભાજપ દ્વારા પુષ્પાંજલિ કાર્યક્રમનું કરાયું આયોજન, કાર્યક્રમમાં સાંસદ દેવુસિંહ ચૌહાણ, વિધાનસભાના ધારાસભ્ય પંકજ દેસાઈની ઉપસ્થિતિમાં સંતરામ રોડ પર આવેલ બાબાસાહેબ આંબેડકરની પ્રતિમાને સૂતરની આંટી પહેરાવી શ્રદ્ધાસુમન કરાયા અર્પણ, મોટી સંખ્યામાં કાર્યકર્તાઓ અને નગરજનો ઉપસ્થિત રહ્યા.

અમદાવાદમાં ડૉ. બાબાસાહેબ આંબેડકર ઓપન યુનિવર્સિટીનો દીક્ષાંત સમારંભ યોજાયો.

રાજયપાલ અને યુનિવર્સિટીના કુલાધિપતિ આચાર્ય દેવવ્રતે 18,108 વિદ્યાર્થીઓને પદવી એનાયત કરી. 39 વિધાર્થીઓને ગોલ્ડ મેડલ અને 40 વિદ્યાર્થીઓને સિલ્વર મેડલથી સન્માનિત કરવામાં આવ્યા.

કાર્યક્રમમાં કુલપતિ પ્રો. ડૉ. અમીબેન ઉપાધ્યાય ઉપરાંત શિક્ષણમંત્રી  ઋષિકેશ પટેલ તેમજ રાજ્યકક્ષાના શિક્ષણમંત્રી પ્રફૂલ પાનસેરીયા તેમજ સારસ્વત અતિથિ તરીકે જગદીશ મામિદલા ઉપસ્થિત રહ્યા હતા.

ગ્લોબલ ક્રેડિટ રેટિંગ એજન્સી ક્રિસિલે જણાવ્યું કે, નાણાકીય વર્ષ 2026માં ભારતનો GDP વૃદ્ધિ દર 6.5 ટકા રહી શકે છે. યુએસ ટેરિફમાં વધારો હજુ પણ વૃદ્ધિ માટે જોખમ છે. RBIની હળવી નાણાકીય નીતિ કેટલાક બાહ્ય પડકારોને સરભર કરશે.

પ્રધાનમંત્રી મોદીએ કહ્યું કે, પીડિતોથી વંચિતો સુધી, આદિવાસીઓ મહિલાઓ સુધી, ગરીબોથી હાંસિયામાં ધકેલાઈ ગયેલા લોકો સુધી, તેમના દરેક પ્રયાસનો ઉદ્દેશ્ય તેમના જીવનમાં પરિવર્તન લાવવા અને તેમની આકાંક્ષાઓને વાસ્તવિકતામાં પરિવર્તિત કરવાનો છે.

બાબા સાહેબ ડૉ. ભીમરાવ આંબેડકરને શ્રદ્ધાંજલિ આપતા પ્રધાનમંત્રીએ કહ્યું કે, તેમની જન્મજયંતિ દલિતો, વંચિતો અને પછાત સમુદાયો માટે "દિવાળી" જેવી છે. બાબાસાહેબના મંત્ર અનુસાર કામ કરીને, શ્રી કૃષ્ણના જન્મસ્થળથી ભગવાન રામના જન્મસ્થળ, અયોધ્યા સુધી હવાઈ સેવા શરૂ થઈ ગઈ છે.

કેન્દ્રીય ગૃહમંત્રી અમિત શાહે નવી દિલ્હીમાં ઓલ ઈન્ડિયા ફોરેન્સિક સાયન્સ સમિટનું ઉદઘાટન કર્યું.

મુખ્યમંત્રી ભૂપેન્દ્ર પટેલે વિધાનસભા પોડિયમ ખાતે બાબાસાહેબ ડૉ. ભીમરાવ આંબેડકરના તૈલચિત્રને શ્રધ્ધાંજલિ અપર્ણ કરી હતી  તેમજ વિધાનસભાની સામે પણ બાબસાહેબની પ્રતિમાને પુષ્પાંજલિ અપર્ણ કરીને નમન કર્યું હતું. તેમની સાથે વિધાનસભા અધ્યક્ષ શંકરભાઈ ચૌધરી, મંત્રી ભાનુબેન બાબરિયા સહિત ગાંધીનગર મહાનગરપાલિકા મેયર મીરાબેન પટેલ, ધારાસભ્ય રીટાબેન પટેલ, સહિત મહાનગરપાલિકા પદાધિકારીઓ અને વિધાનસભા કર્મચારીઓએ પણ પુષ્પાંજલિ અર્પણ કરી હતી. 

અમદાવાદ સહિત રાજ્યભરમાં અનેક કાર્યક્રમોનું આયોજન

આંબેડકર જયંતિ નિમિત્તે રાષ્ટ્રપતિ દ્રૌપદી મૂર્મૂ, ઉપરાષ્ટ્રપતિ જગદીપ ધનખર, વડાપ્રધાન નરેન્દ્ર મોદી, લોકસભામાં વિરોધ પક્ષના નેતા રાહુલ ગાંધી અને કેન્દ્રીય સંસદીય બાબતોના પ્રધાન કિરેન રિજિજુ સહિત અનેક અગ્રણી નેતાઓ સંસદ સંકુલમાં પ્રેરણા સ્થળ પર બાબાસાહેબ ડૉ. ભીમરાવ આંબેડકરને હૃદયપૂર્વક પુષ્પાંજલિ અર્પણ કરી હતી. 14 એપ્રિલ, 1891ના રોજ મધ્યપ્રદેશના લશ્કરી છાવણી (મહૂ)માં જન્મેલા ડૉ. આંબેડકર એક મહાન કાયદાશાસ્ત્રી, અર્થશાસ્ત્રી, સમાજ સુધારક અને રાજકારણી હતા.