બ્રિટન, ફ્રાન્સ, જર્મની, ઇટાલી, નેધરલેન્ડ, જાપાન, કેનેડા, કોરિયા પ્રજાસત્તાક, ન્યુઝીલેન્ડ, ડેનમાર્ક, લાતવિયા, સ્લોવેનિયા, એસ્ટોનિયા, નોર્વે, સ્વીડન, ફિનલેન્ડ, ચેકિયા, રોમાનિયા, બહેરીન અને લિથુઆનિયાના નેતાઓએ હોર્મુઝ સ્ટ્રેટની પરિસ્થિતિ અંગે સંયુક્ત નિવેદન જારી કર્યું છે.સંયુક્ત નિવેદનમાં કહેવામાં આવ્યું છે કે, "અમે ખાડીમાં નિઃશસ્ત્ર વાણિજ્યિક જહાજો પર ઈરાનના તાજેતરના હુમલાઓ, તેલ અને ગેસ સ્થાપનો સહિત નાગરિક માળખાગત સુવિધાઓ પર હુમલાઓ અને ઈરાની દળો દ્વારા હોર્મુઝ સ્ટ્રેટના વાસ્તવિક બંધની સખત નિંદા કરીએ છીએ. અમે વધતા જતા સંઘર્ષ પર અમારી ઊંડી ચિંતા વ્યક્ત કરીએ છીએ.

કાર્યક્રમના પ્રારંભે મુખ્યમંત્રી ભૂપેન્દ્ર પટેલે વિડિયો સંદેશ દ્વારા સૌને મિલેટ મહોત્સવના પ્રારંભે શુભેચ્છાઓ પાઠવી હતી. તેમણે રાજ્યના સૌ નાગરિકોને ‘શ્રી અન્ન’નો ઉપયોગ વધારીને તંદુરસ્ત ગુજરાતના નિર્માણમાં સહભાગી થવા આહ્વાન કર્યું હતું.આ પ્રસંગે કૃષિ મંત્રી જીતુ વાઘાણીએ કહ્યું કે ‘મિલેટ’ એ માત્ર આહાર નથી, પરંતુ તંદુરસ્ત જીવનશૈલી અને ખેડૂતોની સમૃદ્ધિનું પ્રતીક છે. તે શરીર માટે અત્યંત ગુણકારી અને પચવામાં હળવા હોય છે.

ગુજરાત પોલીસના સ્માર્ટ પોલીસિંગ અંતર્ગત નેત્રમ પ્રોજેક્ટ હેઠળ પોલીસ ભવનના સાતમા માળે સિટી લેવલનું આ આધુનિક સેન્ટર બનાવવામાં આવ્યું છે. વડોદરા શહેરની મુલાકાતે આવેલા નાયબ મુખ્યમંત્રી સીધા પોલીસ ભવન ખાતે પહોંચ્યા હતા અને અહીં તેમને ડીજીપી કે. એલ. એન. રાવ અને શહેર પોલીસ કમિશનર નરસિમ્હા કોમાર દ્વારા આવકારવામાં આવ્યા હતા. શહેર પોલિસની એક ટૂકડી દ્વારા નાયબ મુખ્યમંત્રને ગાર્ડ ઓફ ઓનર આપવામાં આવ્યું હતું. 

આગામી વિધાનસભા ચૂંટણીઓને ધ્યાનમાં રાખીને, ચૂંટણી પંચે રાજકીય પક્ષો અને ઉમેદવારો માટે કડક માર્ગદર્શિકા જારી કરી છે. પંચે સ્પષ્ટતા કરી છે કે કોઈપણ રાજકીય જાહેરાત બહાર પાડતા પહેલા મીડિયા સર્ટિફિકેશન અને મોનિટરિંગ કમિટી (MCMC) પાસેથી પૂર્વ-પ્રમાણપત્ર મેળવવું હવે ફરજિયાત છે.15 માર્ચે, ચૂંટણી પંચે આસામ, કેરળ, પુડુચેરી, તમિલનાડુ અને પશ્ચિમ બંગાળમાં વિધાનસભા ચૂંટણીઓ તેમજ છ રાજ્યોમાં પેટા-ચૂંટણીઓ માટે સમયપત્રક જાહેર કર્યું. ચૂંટણી પ્રક્રિયા પારદર્શક અને ન્યાયી રહે તે સુનિશ્ચિત કરવા માટે આ નિર્દેશો ત્યારબાદ જારી કરવામાં આવ્યા છે.

અમદાવાદના સાબરમતી રિવરફ્રન્ટ ખાતેથી રાજ્ય કક્ષાના મિલેટ મહોત્સવનો આવતીકાલ તા. ૨૧ માર્ચના રોજ કૃષિ મંત્રી જીતુ વાઘાણી શુભારંભ કરાવશે. આ વેળાએ રાજ્યના પૂર્વ સહકાર મંત્રી અને ભાજપના પ્રદેશ અધ્યક્ષ જગદીશ વિશ્વકર્મા પણ ઉપસ્થિત રહેશે.

આ ઉપરાંત વિવિધ મહાનગરોમાં પણ રાજ્ય મંત્રી મંડળના સભ્યો ઉપસ્થિત રહીને “મિલેટ મહોત્સવ”નો પ્રારંભ કરાવશે.

સ્માર્ટ સિટી અમદાવાદ ડેવલપમેન્ટ લિમિટેડ (SCADL) સાથે સંકલન કરીને AMCએ “અમદાવાદ ઈનોવેશન અને સ્ટાર્ટઅપ પોલિસી 2026” જાહેર કરી છે, જે દેશના મ્યુનિસિપલ સ્તરે પ્રથમ પ્રકારની અનોખી પહેલ તરીકે જોવામાં આવી રહી છે.આ પોલિસી હેઠળ અમદાવાદ શહેર હવે દેશભરના સ્ટાર્ટઅપ્સ, યુવા ઇનોવેટર્સ, સંશોધકો અને વિદ્યાર્થીઓ માટે એક “લિવિંગ લેબોરેટરી” તરીકે ઉભરશે, જ્યાં તેઓ પોતાની નવીન તકનીકી અને વિચારોને વાસ્તવિક પરિસ્થિતિમાં ટેસ્ટ કરી શકશે. શહેરમાં રસ્તાના ખાડા ઝડપી ઠીક કરવાથી લઈને પૂરની આગાહી, કચરો વ્યવસ્થાપન વધુ સ્માર્ટ બનાવવું અને હવા પ્રદૂષણ ઘટાડવા જેવા પ્રશ્નો માટે સ્ટાર્ટઅપ્સને સીધી તક આપવામાં આવશે.

ગેસ એન્જસીઓ તરફથી LPG સિલિન્ડરની યોગ્ય આપૂર્તિ સુનિશ્વિત કરવા માટે ચોક્કસ દેખરેખ રાખવામાં આવી રહી છે અને નાગરિકોએ તેમના સિલિન્ડર માટે એજન્સીએ જઇને લાઇનમાં ઊભા રહેવાની જરૂર નથી. ઓઇલ માર્કેટિંગ કંપનીઓ દ્વારા નાગરિકોને તેમના ઘરે જ સરળતાથી સિલિન્ડર મળી રહે તે માટે ટેક્નોલોજીના ઉપયોગથી પૂરતી વ્યવસ્થા કરવામાં આવી છે. 

જે અંતર્ગત આરોગ્ય કમિશનરની કચેરી દ્વારા સિલિકોસિસથી પીડિત દર્દીઓ માટે આ બીમારી અંગેનું નિદાન અને સારવારની સુવિધાઓ રાજ્યની તમામ સરકારી હોસ્પિટલો અને જી.એમ.ઇ.આર.એસ. કોલેજો ખાતે વિનામૂલ્યે ઉપલબ્ધ કરાવવામાં આવે છે. ખાસ કરીને અકીક, પથ્થર, બાંધકામ વ્યવસાયમાં રોકાયેલા અસંગઠિત શ્રમયોગીઓ અને સ્વાશ્રયી વ્યવસાયિકોને સિલિકોસિસ રોગથી મૃત્યુના કિસ્સામાં વારસદારોને રૂ. 4 લાખ અને બીમારીના કિસ્સામાં દર્દીને રૂ.

આ લક્ષ્યાંકને હાંસલ કરવા માટે રાજ્ય સરકાર ઉદ્યોગકારોની સાથે રહીને તમામ જરૂરી સપોર્ટ પૂરો પાડવા માટે વચનબદ્ધ છે.મુખ્યમંત્રીએ ભૂતકાળને યાદ કરતા જણાવ્યું હતું કે, એક સમયે ગુજરાતમાં વિકાસ માત્ર વાપી-વડોદરા બેલ્ટ પૂરતો સીમિત હતો. પરંતુ પ્રધાનમંત્રીએ સમગ્ર ગુજરાતના સર્વગ્રાહી વિકાસનો વિચાર કરી ઇન્ફ્રાસ્ટ્રક્ચર, પાણી અને વીજળી જેવી  માળખાકીય જરૂરિયાતો મજબૂત કરી. 2003થી શરૂ થયેલી વાઇબ્રન્ટ ગુજરાત સમિટના પરિણામે આજે ગુજરાત વૈશ્વિક રોકાણકારો માટેનું સર્વોત્તમ ડેસ્ટિનેશન બન્યું છે,તેમ જણાવ્યું હતું 

પ્રધાનમંત્રી મોદીએ વીજળી અને નવી અને નવીનીકરણીય ઉર્જા રાજ્યમંત્રી શ્રીપાદ યેસો નાઈક દ્વારા લખાયેલ એક લેખ શેર કર્યો, જેમાં ભારતના ઉર્જા ક્ષેત્રમાં હાલમાં થઈ રહેલા ઝડપી પરિવર્તનોની વિગતો આપવામાં આવી છે.સોશિયલ મીડિયા પ્લેટફોર્મ 'X' પર, પીએમ મોદીએ ટિપ્પણી કરી કે દેશનું ઉર્જા સંક્રમણ વ્યવહારિક નીતિગત નિર્ણયો અને આત્મનિર્ભરતા પર અડગ ધ્યાન દ્વારા સંચાલિત છે. તેમણે નોંધ્યું કે સ્વચ્છ ઉર્જા ક્ષમતા વધારવા, વીજળીકરણને પ્રોત્સાહન આપવા અને સ્થાનિક ઉત્પાદનને મજબૂત બનાવવાના ભારતના પ્રયાસો તેને વૈશ્વિક ઉર્જા ક્ષેત્રમાં મુખ્ય ખેલાડી તરીકે ઉભરી આવવામાં મદદ કરી રહ્યા છે.