આજની આ સ્પર્ધામાં ચાઈનીઝ તાઈપેઈ (TPE) ના ખેલાડીઓએ શાનદાર પ્રદર્શન કરી મેડલ ટેલીમાં પોતાનું પ્રભુત્વ જમાવ્યું હતું. સ્નેચ (Snatch) વિભાગમાં વાન લિંગ ફેંગે સુવર્ણ પદક જીત્યો હતો, જ્યારે ક્લીન એન્ડ જર્ક (Clean and Jerk) અને ઓવરઓલ ટોટલ (Total) કેટેગરીમાં યી ચેન હુઆંગે ગોલ્ડ મેડલ મેળવી શ્રેષ્ઠતા સાબિત કરી હતી.યજમાન ભારત માટે પણ આજનો દિવસ ગૌરવશાળી રહ્યો હતો. ભારતની સ્ટાર વેઈટલિફ્ટર કોમલ કોહરે 48 કિલો કેટેગરીના ‘ક્લીન એન્ડ જર્ક’ વિભાગમાં ઉત્કૃષ્ટ દેખાવ કરીને બ્રોન્ઝ મેડલ હાંસલ કર્યો હતો. આ સાથે જ ‘ઓવરઓલ ટોટલ’ સ્કોરમાં પણ ત્રીજું સ્થાન મેળવી ભારતની ઝોળીમાં બે કાંસ્ય પદક નાખ્યા છે.

પશ્ચિમ એશિયાની પરિસ્થિતિ પર મંત્રીઓના અનૌપચારિક જૂથની પાંચમી બેઠક રાજનાથ સિંહની અધ્યક્ષતામાં યોજાઈ હતી. બેઠકમાં નોંધવામાં આવ્યું હતું કે પશ્ચિમ એશિયા કટોકટી છતાં, ભારતમાં પેટ્રોલિયમ ઉત્પાદનોના ભાવ છેલ્લા 70 દિવસથી સ્થિર રહ્યા છે, જ્યારે ઘણા દેશોમાં તેમાં 30% થી 70% નો વધારો થયો છે.સરકારે જણાવ્યું હતું કે ભારત વિશ્વનો ત્રીજો સૌથી મોટો તેલ શુદ્ધિકરણ દેશ અને પેટ્રોલિયમ ઉત્પાદનોનો ચોથો સૌથી મોટો નિકાસકાર દેશ છે. ભારત હાલમાં 150 થી વધુ દેશોમાં પેટ્રોલિયમ ઉત્પાદનોની નિકાસ કરે છે અને સ્થાનિક માંગને પણ પૂર્ણ કરે છે.

તેમણે નોંધ્યું કે ભારતે 1998 માં બે પરમાણુ પરીક્ષણો કર્યા, પહેલું 11 મેના રોજ અને બીજું 13 મેના રોજ. તેમણે ભારપૂર્વક જણાવ્યું કે દુનિયાની કોઈ પણ શક્તિ આ દેશ અને તેના નાગરિકોને બાહ્ય દળો સામે નમવા માટે દબાણ કરી શકે નહીં.સોમનાથ મંદિરના પુનર્નિર્માણની 75મી વર્ષગાંઠ નિમિત્તે આયોજિત 'સોમનાથ અમૃત મહોત્સવ' સમારોહમાં પ્રધાનમંત્રી  મોદીએ 1998ના પરમાણુ પરીક્ષણોનો ઉલ્લેખ કર્યો.ઇતિહાસની આ મહત્વપૂર્ણ ક્ષણોને યાદ કરતાં, તેમણે ભૂતપૂર્વ પ્રધાનમંત્રી , સ્વર્ગસ્થ અટલ બિહારી વાજપેયીના નેતૃત્વમાં ભારત કેવી રીતે વૈશ્વિક શક્તિ તરીકે ઉભરી આવ્યું તે પર પ્રકાશ પાડ્યો.

ગત 30 માર્ચ, 2026ના રોજ 181 મહિલા હેલ્પલાઈન દ્વારા આ 18 વર્ષીય યુવતી આયશા(નામ બદલેલું છે.)ને સોલા સ્થિત ‘સખી વન સ્ટોપ સેન્ટર’ ખાતે આશ્રય માટે લાવવામાં આવી હતી. શરૂઆતમાં આયશા એટલી ડરેલી હતી કે કાઉન્સેલિંગના અનેક પ્રયત્નો છતાં તે કંઈ પણ બોલવા તૈયાર નહોતી. તેની આંખોમાં અજાણ્યા શહેરનો ભય અને મનમાં ઉંડી વેદના સ્પષ્ટ દેખાતી હતી.મહિલા અને બાળ વિકાસ વિભાગ હેઠળ કાર્યરત સખી વન સ્ટોપ સેન્ટરના કર્મચારીઓએ આ કપરી પરિસ્થિતિમાં આયશાને એક પરિવાર જેવો સ્નેહ આપવાનું નક્કી કર્યું. સખી વન સ્ટોપ સેન્ટરના સ્ટાફે આયશા માટે ઘર જેવો જ માહોલ ઉભો કર્યો અને તેની સાથે સતત સંવાદ સાધતા રહ્યા. 

આ ભવ્ય રોડ શો દરમિયાન ભાવનગરથી આવેલા 'જુનિયર બચ્ચન' તરીકે જાણીતા પિનાકીન ગોહિલે પોતાની ખાસ રજૂઆત દ્વારા સૌનું ધ્યાન ખેંચ્યું હતું.મનોરંજન ક્ષેત્ર સાથે જોડાયેલા પિનાકીન ગોહિલ સોમનાથ હેલીપેડથી મંદિર સુધીના રોડ શોમાં સોમનાથ મંદિરની એક ભવ્ય પ્રતિકૃતિ સાથે ઉપસ્થિત રહ્યા હતા.આ પ્રતિકૃતિમાં પ્રધાનમંત્રીના તેમના સ્વ. માતૃશ્રી હીરાબા સાથેની તસવીર સહિત સરદાર પટેલ (સ્ટેચ્યુ ઓફ યુનિટી), વીર હમીરજી ગોહિલ અને 'ઓપરેશન સિંદૂર'ની સફળતાની ઝલક દર્શાવવામાં આવી હતી. પિનાકીન ગોહિલે જણાવ્યું હતું કે, પ્રધાનમંત્રી મોદી વિશ્વભરમાં ભારતનું ગૌરવ વધારી રહ્યા છે.

શંખનાદ, ડમરુના ગુંજારવ અને આકાશી સલામી વચ્ચે ઉજવાયેલા આ ‘અમૃતપર્વ’માં પ્રધાનમંત્રીએ જન-કલ્યાણની મંગલ કામના કરી હતી.પ્રભાસ પાટણની પવિત્ર ધરા પર  પ્રધાનમંત્રીનું 100 કન્યાઓએ અમૃત કળશ સાથે અને 75 ઢોલીઓએ નાસિકના ઢોલના નાદ સાથે ઉષ્માભર્યું સ્વાગત કર્યું હતું. મંદિર પરિસરમાં પ્રવેશતા પૂર્વે પ્રધાનમંત્રીએ સોમનાથ મંદિરના પુનઃનિર્માણના સ્વપ્નદ્રષ્ટા લોખંડી પુરુષ સરદાર વલ્લભભાઈ પટેલની પ્રતિમાને ભાવપૂર્વક પુષ્પાંજલિ અર્પણ કરી હતી.

આ પ્રસંગે પ્રધાનમંત્રીએ સોમનાથ વિરાસતની સ્મારક ટપાલ ટિકિટ અને રૂ. 75ના મૂલ્યના સિક્કાનું અનાવરણ પણ કર્યું હતું.પ્રધાનમંત્રીએ જણાવ્યું કે, 1951 માં સોમનાથ મંદિરની પ્રાણ પ્રતિષ્ઠા એ સ્વતંત્ર ભારતની સાંસ્કૃતિક ચેતનાનો ઉદઘોષ હતો. સોમનાથ આપણને યાદ અપાવે છે કે રાષ્ટ્ર ત્યારે જ મજબૂત બને જ્યારે તે પોતાના મૂળિયાં સાથે જોડાયેલું રહે.સોમનાથ પર અનેક આક્રમણો થયા, પરંતુ દર વખતે તે વધુ દિવ્યતા સાથે પુનઃનિર્મિત થયું.

શ્યોપુર જિલ્લાના કુનો રાષ્ટ્રીય ઉદ્યાનમાં ખુલ્લા જંગલમાં બે માદા ચિત્તા છોડતા, મુખ્યમંત્રી મોહન યાદવે કહ્યું કે મધ્યપ્રદેશની ભૂમિએ ચિત્તાઓને અનુકૂળ વાતાવરણ પૂરું પાડીને અને તેમને પોતાના પરિવારનો ભાગ બનાવીને તેમના પુનર્વસનમાં મહત્વપૂર્ણ ભૂમિકા ભજવી છે.તેમણે કહ્યું કે  પ્રધાનમંત્રી મોદીએ લગભગ સાડા ત્રણ વર્ષ પહેલાં કુનોમાં 'પ્રોજેક્ટ ચિત્તા' શરૂ કર્યો હતો. આજે, દેશમાં આ ચિત્તા પુનઃપ્રવેશ પ્રોજેક્ટ ઝડપથી સફળતાની નવી ઊંચાઈઓ તરફ આગળ વધી રહ્યો છે. મધ્યપ્રદેશ આ મહત્વપૂર્ણ પ્રયાસમાં સતત નવા રેકોર્ડ બનાવી રહ્યું છે.

ટ્રમ્પે ઈરાનને જલ્દીથી પરમાણુ કરાર (ડીલ) પર હસ્તાક્ષર કરવાની કડક ચેતવણી આપતા કહ્યું છે કે, જો તેઓ આમ નહીં કરે તો ભવિષ્યમાં વધુ હિંસક પરાજયનો સામનો કરવો પડશે.રાષ્ટ્રપતિ ટ્રમ્પે 'ટ્રુથ સોશિયલ' પર લખ્યું કે, "ત્રણ વર્લ્ડ ક્લાસ અમેરિકી ડિસ્ટ્રોયર્સ સફળતાપૂર્વક હોર્મુઝની સામુદ્રધૂનીમાંથી બહાર નીકળ્યા છે. ઈરાને ડ્રોન અને મિસાઈલો વડે હુમલો કર્યો હતો, પરંતુ અમે તેને હવામાં જ તોડી પાડ્યા હતા. ઈરાની હુમલાખોરોની અનેક નાની નૌકાઓ દરિયામાં ડૂબાડી દેવામાં આવી છે.

પ્રાથમિક તપાસ દરમિયાન મહિલાઓના મોબાઈલમાંથી બાંગ્લાદેશના કોડવાળા નંબર તેમજ સંબંધિત દસ્તાવેજો મળી આવતા પોલીસે વધુ તપાસ શરૂ કરી છે.દેશભરમાં ગેરકાયદેસર રીતે વસવાટ કરતા વિદેશી નાગરિકો સામે સુરક્ષા એજન્સીઓ અને પોલીસ દ્વારા સતત કાર્યવાહી કરવામાં આવી રહી છે. ત્યારે ભાવનગર SOG પોલીસની ટીમે શહેરના ચિત્રા વિસ્તારમાં આવેલા માર્કેટિંગ યાર્ડમાં ચેકિંગ દરમિયાન પાંચ મહિલાઓને શંકાસ્પદ હાલતમાં ઝડપી પાડી હતી.યાર્ડમાં આ મહિલાઓ મોઢું ઢાંકી સફાઈ અને મજૂરીનું કામ કરતી હતી. પોલીસે પૂછપરછ સાથે તેમના મોબાઈલ ફોનની તપાસ કરતાં બાંગ્લાદેશના કોડવાળા નંબર મળી આવ્યા હતા.