સંસદ સત્ર દરમિયાન લોકસભામાં આજે ઓપરેશન સિંદૂર અંગે 16 કલાકની ચર્ચાની શરૂઆત થશે તો મંગળવારે રાજયસભામાં પણ આ મુદ્દે ચર્ચા કરવામાં આવશે.  લોકસભામાં આજે સંરક્ષણ મંત્રી રાજનાથ સિંહ આ મુદ્દે ચર્ચાની શરૂઆત કરશે. તો વિપક્ષ તરફથી  રાહુલ ગાંધી અને અખિલેશ યાદવ પણ ચર્ચામાં ભાગ લેશે.  સમાજવાદી પાર્ટીને ચર્ચા માટે 65 મિનિટનો સમય આપવામાં આવ્યો છે.  ઉલ્લેખનીય છે કે , લોકસભા સ્પીકર ઓમ બિરલાની અધ્યક્ષતામાં યોજાયેલી બિઝનેસ એડવાઇઝરી કમિટીની બેઠકમાં આ નિર્ણય લેવામાં આવ્યો હતો. રાજયસભામાં આજે નવા સાંસદોને શપથ લેવડાવવામાં આવશે તેમજ સમુદ્ર દ્વારા માલ પરિવહન અંગેના વિધેયકની ચર્ચાને આગળ ધપાવવામાં આવશે.

• રાજ્યમાં મોસમનો કુલ સરેરાશ વરસાદ ૬૧ ટકાથી વધુ; સૌથી વધુ ઉત્તર ગુજરાતમાં સીઝનનો ૬૫ ટકા વરસાદ વરસ્યો

સરહદી વિસ્તારના વિકાસની નવતર રાહ સાથે તેમણે વિવિધ વિકાસ કાર્યોનું ખાતમુર્હુત તથા 55.68 કરોડના વિકાસ કાર્યો પ્રારંભ કરાવ્યા હતા. મુખ્યમંત્રી ભૂપેન્દ્ર પટેલે જણાવ્યું કે, પ્રધાનમંત્રી નરેન્દ્ર મોદીએ ભારતને વિશ્વમાં અગ્રીમ હરોળમાં લાવવાનું કામ કર્યું છે. આજે દેશની સાથે ગુજરાતે પણ સર્વાંગી વિકાસ સાધ્યો છે. રાજ્ય સરકારે છેવાડાના વ્યક્તિ સુધી પહોંચી ઘર આંગણે વિવિધ યોજનાકીય લાભો આપ્યા છે. આજે ધંધા - રોજગાર, રોડ- રસ્તા, વીજળી, પાણી, ઉદ્યોગો થકી છેવાડાના લોકોના જીવન ધોરણમાં પરિવર્તન લાવી શકાયું છે તથા નાગરિકોનું જીવનધોરણ ઊંચું આવ્યું છે. 

આ કરાર હેઠળ, બંને ક્ષેત્રોને શૂન્ય ડ્યુટી બજાર પ્રવેશ મળશે, જે યુકેમાં ભારતીય ઉત્પાદનોને વધુ સ્પર્ધાત્મક બનાવશે. આ મુક્ત વેપાર કરાર (CETA) પર આજે ગુરુવારે લંડનમાં પ્રધાનમંત્રી અને યુકેના પ્રધાનમંત્રી કીર સ્ટારમર વચ્ચે હસ્તાક્ષર કરવામાં આવ્યા હતા.

શૂન્ય ડ્યુટીથી ફાર્મા ક્ષેત્રને લાભ થાય છે

બનાસકાંઠા જિલ્લાને વિવિધ વિકાસકામોની ભેટ આપવા સુઈ ગામની મુલાકાત દરમિયાન મુખ્યમંત્રીએ નડાબેટ બોર્ડર સિક્યુરિટી ફોર્સના જવાનો અને અધિકારીઓને મળીને તેમની સાથે સંવાદ ગોષ્ઠી કર્યા હતા પ્રધાનમંત્રી નરેન્દ્ર ભાઈ મોદીના મક્કમ નિર્ધારણને પગલે ઓપરેશન સિંદુરની જ્વલંત સફળતામાં BSF અને સેનાના જવાનોના શૌર્યસભર યોગદાન માટે તેમણે જવાનોને અભિનંદન પાઠવ્યા હતા. 

હેનલી પાસપોર્ટ ઇન્ડેક્સ 2025 મુજબ, સિંગાપોર વિશ્વ પાસપોર્ટ રેન્કિંગમાં ટોચ પર છે, જ્યારે જાપાન અને દક્ષિણ કોરિયા બીજા સ્થાને છે. આ ઉપરાંત, ભારત અને યુએઈ જેવા દેશોએ પાસપોર્ટ રેન્કિંગમાં મોટો ઉછાળો નોંધાવ્યો છે. છ મહિનામાં ભારત 85મા ક્રમેથી 77મા ક્રમે પહોંચી ગયું છે.

પાકિસ્તાનનો પાસપોર્ટ વિશ્વમાં સૌથી નબળો છે

કચ્છ પોલીસને શ્રેષ્ઠ કામગીરી બદલ અભિનંદન આપીને ગૃહ રાજ્યમંત્રી હર્ષ સંઘવીએ જણાવ્યું હતું કે, પોલીસે જિલ્લામાં ગેરકાયદેસર બાંધકામ કરનારા દબાણકર્તાઓ અને અસામાજિક તત્વો સામે નીડરતાથી કડક પગલાં લીધા છે. ગૃહ રાજ્યમંત્રીએ ઉમેર્યું કે, ગુજરાત પોલીસ કોઈપણ પ્રકારના ગેરકાયદે જમીન દબાણને ચલાવી લેશે નહીં. કચ્છ પોલીસની ધાક બેસાડતી કાયદાકીય કાર્યવાહી સાથે ગૌસેવા,શિક્ષણ વગેરે સામાજિક કાર્યોને ગૃહ રાજ્યમંત્રીએ બિરદાવ્યા હતા. 

ગુરુવારે જાહેર કરાયેલ HSBC ફ્લેશ ઈન્ડિયા કમ્પોઝિટ પરચેઝિંગ મેનેજર્સ ઈન્ડેક્સ (PMI) માં આ માહિતી આપવામાં આવી હતી.S&P ગ્લોબલ દ્વારા સંકલિત HSBC ફ્લેશ ઈન્ડિયા કમ્પોઝિટ PMI જુલાઈમાં 60.7 હતો, જે જૂનમાં 58.4 હતો. મેન્યુફેક્ચરિંગ PMI ઇન્ડેક્સ જૂનમાં 58.4 થી વધીને જુલાઈમાં 59.2 થયો. આ લગભગ સાડા 17 વર્ષમાં મેન્યુફેક્ચરિંગ PMIનું ઉચ્ચતમ સ્તર છે.

સેવાઓ PMI જુલાઈમાં 59.8 પર રહ્યો, જે જૂનમાં 60.4 હતો

રાજકોટ જિલ્લાના ઘેલા સોમનાથ મંદિર ખાતે શ્રાવણ માસ દરમિયાન દર્શનાર્થે આવતા મહત્વપૂર્ણ મહાનુભાવોના ભોજન સંચાલન માટે જસદણના પ્રાંત અધિકારી દ્વારા શાળાના આચાર્યો અને શિક્ષકોને સોંપવામાં આવેલી ફરજનો પરિપત્ર ધ્યાને આવતા શિક્ષણ રાજ્ય મંત્રી  પ્રફુલભાઈ પાનસેરિયાએ તાત્કાલિક ધોરણે આ પરિપત્ર રદ કરવાના આદેશ આપ્યા છે.આ સંદર્ભે પોતાનો પ્રતિભાવ આપતા શિક્ષણ રાજ્ય મંત્રીએ જણાવ્યું હતું કે, વિદ્યાર્થીઓના ભવિષ્યનું ઘડતર કરતા શિક્ષકોને શિક્ષણકાર્ય ઉપરાંત લોકમેળામાં મહાનુભાવોના ભોજન સંચાલનની જવાબદારી સોંપવી બિલકુલ અયોગ્ય છે.

આ માસ્ટર પ્લાન પરિપૂર્ણ થતાં ઉદ્યોગો માટે માલસામાનના પરિવહનની જરૂરિયાતને ઓળખીને તેમાં સુધારો કરવાની સાથેસાથે શેલ્ફ ઓફ પ્રોજેક્ટને તૈયાર કરવામાં મદદરૂપ પણ થશે, તેમ ઉદ્યોગ મંત્રી બલવંતસિંહ રાજપૂતે GIDBની સમીક્ષા બેઠકમાં જણાવ્યું હતું. ગાંધીનગર ખાતે ઉદ્યોગ મંત્રી બલવંતસિંહ રાજપૂતે ગુજરાત ઇન્ફ્રાસ્ટ્રક્ચર ડેવલપમેન્ટ બોર્ડ-GIDBની લોજિસ્ટિક્સ અને ઇન્ફ્રાસ્ટ્રક્ચર પ્લાનિંગ સહિતની વિવિધ પ્રવૃત્તિઓની વિગતવાર સમીક્ષા કરી હતી. તેમણે કહ્યું કે, કેન્દ્ર સરકારની એજન્સીઓ દ્વારા અમલમાં મુકવામાં આવતા મહત્વપૂર્ણ માળખાગત પ્રોજેક્ટ્સ કે જેમનું મૂલ્ય રૂ.