પરિમલ નથવાણી ઝારખંડ રાજ્યનું પ્રતિનિધિત્વ કરતા ચોથી ટર્મ માટે રાજ્યસભામાં ચૂંટાઈ આવ્યા છે. ઉલ્લેખનીય છે કે, રાજ્યમાં બે રાજ્યસભા બેઠકો માટે ત્રણ ઉમેદવારો મેદાનમાં હતા. નથવાણી અગાઉ 2008 અને 2020 વચ્ચે ઝારખંડથી અપક્ષ સાંસદ તરીકે અત્યંત અસરકારક અને સતત એવી બે ટર્મ સુધી સેવા આપી ચૂક્યા છે અને તેઓ રાજ્યસભાના ઇતિહાસમાં સૌથી લાંબા સમય સુધી સેવા આપનારા અપક્ષ સાંસદ હોવાનો ખાસ રેકોર્ડ ધરાવે છે. વર્ષ 2020માં આંધ્રપ્રદેશનું પ્રતિનિધિત્વ કર્યા બાદ, તેમનું ઝારખંડથી ફરીથી ચૂંટાઈ આવવું એ આ રાજ્યમાં તેમની મહત્ત્વપૂર્ણ વાપસી છે.

ભારતીય કોસ્ટ ગાર્ડે સ્વદેશી એર કુશન વ્હીકલને સામેલ કરીને તેની કાર્યકારી ક્ષમતાને મજબૂત બનાવી છે. ચૌગુલે એન્ડ કંપની પ્રાઇવેટ લિમિટેડ દ્વારા ભારતીય કોસ્ટ ગાર્ડ (ICG) માટે ઉત્પાદિત છ સ્વદેશી એર કુશન વ્હીકલ (ACV)માંથી પ્રથમ 18 જૂનના રોજ ગોવામાં સેવામાં સામેલ કરવામાં આવ્યું હતું.

આ હોવરક્રાફ્ટનો હેતુ દરિયાઈ ક્ષેત્રમાં ભારતીય કોસ્ટ ગાર્ડની કાર્યકારી ક્ષમતાઓને વધારવા અને ઉભરતા પડકારોનો સામનો કરવાની તેની ક્ષમતાને મજબૂત બનાવવાનો છે. તેનો સેવામાં સમાવેશ આત્મનિર્ભર ભારતના વિઝનને આગળ વધારશે અને દેશના વધતા જતા દરિયાઈ ઔદ્યોગિક આધારનું પ્રતીક બનશે.

રાજ્યમાં નાગરિકોને શુદ્ધ, સલામત અને ગુણવત્તાયુક્ત ખાદ્ય પદાર્થો ઉપલબ્ધ થાય તેમજ જન આરોગ્યનું સંરક્ષણ સુનિશ્ચિત થાય તે માટે આરોગ્ય મંત્રી પ્રફુલ પાનશેરીયાના માર્ગદર્શન હેઠળ ખોરાક અને ઔષધ નિયમન તંત્ર દ્વારા રાજ્યવ્યાપી ચકાસણી અને અમલીકરણની કામગીરી સતત હાથ ધરવામાં આવી રહી છે. આ અંતર્ગત રાજકોટના ખોરાક અને ઔષધ નિયમન તંત્ર દ્વારા તા. 17 જૂનના રોજ ગોંડલ ખાતે આવેલી મે. સત્યમ મસાલા, ભીમવાડી ખાતે સઘન તપાસ કરવામાં આવી હતી. તપાસ દરમિયાન પેઢીમાંથી કુલ ચાર શંકાસ્પદ ખાદ્ય પદાર્થોના નમૂનાઓ લેવામાં આવ્યા હતા. જેમાં ધાણા પાઉડર અને કોર્ન પાઉડરના નમૂનાઓ લેવામાં આવ્યા હતા.

સ્ટ્રીટ ફૂડ વેન્ડરોમાં સ્વચ્છતા, હાઇજીન અને ખાદ્ય સુરક્ષાને પ્રોત્સાહન આપવા માટે અમદાવાદ મ્યુનિસિપલ કોર્પોરેશનના હેલ્થ વિભાગના ફૂડ ડિપાર્ટમેન્ટ દ્વારા QR કોડ આધારિત રજિસ્ટ્રેશન અને ફીડબેક સિસ્ટમ અમલમાં મૂકવામાં આવી છે. આ વ્યવસ્થાના માધ્યમથી સ્ટ્રીટ ફૂડ વેન્ડરોની કામગીરીમાં પારદર્શિતા વધારવાની સાથે અસરકારક મોનિટરિંગ સુનિશ્ચિત કરવામાં આવી રહ્યું છે.

ઔદ્યોગિક સ્માર્ટ સિટી ધોલેરા સ્પેશિયલ ઇન્વેસ્ટમેન્ટ રીજીયનને પર્યાવરણને અનુકૂળ અને ગ્રીન હબ બનાવવાના ઉદ્દેશ્ય સાથે હાથ ધરાયેલા સાયન્ટિફિક પ્લાન્ટેશન પ્રોજેક્ટની વન અને પર્યાવરણ તથા વિજ્ઞાન અને પ્રૌદ્યોગિકી મંત્રી અર્જુન મોઢવાડિયાએ સ્થાનિક ધારાસભ્ય કાળુભાઈ ડાભી અને વન વિભાગના ઉચ્ચ અધિકારીઓ સાથે રૂબરૂ મુલાકાત લીધી હતી. 

ગુજરાતના આર્થિક વિકાસમાં અગ્રણી ભૂમિકા ભજવતો મધ્ય ગુજરાત પ્રદેશ આજે વૈશ્વિક વેપાર અને નિકાસ ક્ષેત્રે પોતાની મજબૂત ઓળખ સ્થાપિત કરી રહ્યો છે. આગામી વાઇબ્રન્ટ ગુજરાત રિજનલ કોન્ફરન્સ (VGRC) – મધ્ય ગુજરાત, જે તારીખ 29 અને 30 જૂન દરમિયાન વડોદરાની GSFC યુનિવર્સિટી ખાતે યોજાશે....જે પ્રદેશની ઔદ્યોગિક શક્તિ, નિકાસ ક્ષમતા અને રોકાણલક્ષી સંભાવનાઓને રાષ્ટ્રીય તેમજ આંતરરાષ્ટ્રીય સ્તરે પ્રદર્શિત કરવાનું મહત્ત્વપૂર્ણ મંચ બનશે.

રાષ્ટ્રપતિ દ્રૌપદી મુર્મૂ મધ્યપ્રદેશના આજથી પાંચ દિવસના પ્રવાસ માટે ઇન્દોર પહોંચ્યા હતા. રાજ્યપાલ મંગુભાઈ પટેલ અને મુખ્યમંત્રી મોહન યાદવે એરપોર્ટ પર રાષ્ટ્રપતિનું સ્વાગત કર્યું હતું. રાષ્ટ્રપતિનું સ્વાગત કરવા માટે ઇન્દોર પહોંચેલા મુખ્યમંત્રી યાદવે કહ્યું હતું કે, રાષ્ટ્રપતિ તેમના રોકાણ દરમિયાન ચિત્તા પ્રોજેક્ટની પણ મુલાકાત લેશે.

પ્રધાનમંત્રી નરેન્દ્ર મોદીએ G7 સમિટના "AIના સલામત, ઝડપી અને કાર્યક્ષમ રોલઆઉટને સુનિશ્ચિત કરવા" વિષય પર આઉટરીચ સત્રને સંબોધિત કર્યું. તેમણે કહ્યું કે, AI એક પરિવર્તનશીલ શક્તિ છે જે માનવ સંસ્કૃતિના માર્ગને ફરીથી વ્યાખ્યાયિત કરવાની ક્ષમતા ધરાવે છે, પરંતુ તેનો ઉદ્દેશ્ય લોકોને સશક્ત બનાવવાનો પણ હોવો જોઈએ.

AI માટે ભારતના 'માનવ' વિઝનનો ઉલ્લેખ

મહિલા વર્લ્ડ કપમાં આ ભારતનો રન માર્જિનથી સૌથી મોટો વિજય છે.ભારતે 9 ઓક્ટોબર, 2024 ના રોજ શ્રીલંકા સામે T20 વર્લ્ડ કપ મેચ 82 રનથી અને 30 માર્ચ, 2014 ના રોજ બાંગ્લાદેશ સામે 79 રનથી જીત મેળવી હતી.ટોસ હારીને બેટિંગ કરવાનો નિર્ણય લીધા પછી, ભારતીય ટીમે 5 વિકેટ ગુમાવીને 209 રન બનાવ્યા. સ્મૃતિ મંધાના અને શેફાલી વર્માની ઓપનિંગ જોડીએ ભારતને મજબૂત શરૂઆત અપાવી. બંને ખેલાડીઓએ 70 બોલમાં 115 રનની ભાગીદારી કરી.શેફાલી 38 બોલમાં 10 ચોગ્ગા સાથે 55 રન બનાવી આઉટ થઈ ગઈ, ત્યારબાદ મંધાનાએ જેમીમા રોડ્રિગ્ઝ સાથે બીજી વિકેટ માટે 26 બોલમાં 47 રન ઉમેર્યા.

રસાયણ અને ખાતર મંત્રાલય અનુસાર, 2014 માં, દેશભરમાં ફક્ત 84 જન ઔષધિ કેન્દ્રો (JAK) કાર્યરત હતા, જ્યારે 2026 સુધીમાં, તેમની સંખ્યા વધીને 19,200 થી વધુ થઈ ગઈ છે. આ વિસ્તરણથી લાખો નાગરિકોને પોષણક્ષમ ભાવે ગુણવત્તાયુક્ત જેનેરિક દવાઓની ઉપલબ્ધતા સુનિશ્ચિત થઈ છે.