સરકારના વિકાસ, વિશ્વાસ અને જનકલ્યાણના 12 વર્ષના અવિરત કાર્યકાળની સીધી ઝલક આજે ઊર્જા ક્ષેત્રે જોવા મળી રહી છે. રાજ્યમાં રેકોર્ડબ્રેક 10.84 લાખથી વધુ અરજીઓ સાથે જનભાગીદારીનો નવો ઇતિહાસ રચાયો છે, જે લાખો પરિવારોના વીજ બિલ શૂન્ય કરીને તેમના ઘરનું બજેટ સુધારી રહી છે.આ યોજના હેઠળ મળતા સરકારી પ્રોત્સાહન અને આકર્ષક સબસિડીના કારણે સામાન્ય નાગરિકો માટે સોલાર પેનલ લગાવવી અત્યંત કિફાયતી સાબિત થઈ છે.
આરોગ્ય મંત્રી પ્રફુલ પાનશેરીયાની સૂચનાથી 18 જૂનના રોજ સાંજે 5:00 વાગ્યે શરૂ થયેલી એન્ટી-રેગિંગ કમિટીની બેઠક સતત 9 કલાક સુધી ચાલીને 19 જૂનની વહેલી સવારે 2:00 વાગ્યે પૂર્ણ થઈ હતી.
આ દરમિયાન, ફ્રાન્સના રાષ્ટ્રપતિ ઇમેન્યુઅલ મેક્રોને હિન્દીમાં પ્રધાનમંત્રી મોદી માટે એક ખાસ વિદાય સંદેશ શેર કર્યો. તેમણે વડા પ્રધાન મોદીને તેમના "પ્રિય મિત્ર" ગણાવ્યા, ભારત અને ફ્રાન્સ વચ્ચેની મિત્રતા હંમેશા માટે જીવંત રહે તેવી શુભેચ્છા પાઠવી.
હિન્દીમાં ખાસ સંદેશ
વન વિભાગ દ્વારા ત્રણ હેક્ટર જમીનમાં માત્ર 9 માસમાં મીયાવાકી પદ્ધતિ દ્વારા વિકસાવવામાં આવેલા વન કવચનું વન મંત્રી દ્વારા લોકાર્પણ કરવામાં આવ્યા બાદ વન કવચની મુલાકાત પણ લેવામાં આવી હતી અને ઉપસ્થિત તમામ મહાનુભાવો દ્વારા એક પેડ માઁ કે નામ અંતર્ગત વૃક્ષારોપણ કરવામાં આવ્યું હતું. મિયાવાકી પદ્ધતિથી વિકસાવવામાં આવેલા વન કવચને જોઈને વન મંત્રી એ આશ્ચર્ય સાથે ખુશી વ્યક્ત કરી હતી અને સ્થાનિક વન વિભાગના અધિકારીઓ,કર્મચારીઓ સહિત તમામ વન વિભાગના સ્ટાફને અભિનંદન પાઠવ્યા હતા.
વડોદરા અને મુંબઈ સ્થિત હેલ્થકેર સ્ટાર્ટઅપ દ્વારા ઘૂંટણ અને કમરના દુખાવાથી પીડાતા લોકો માટે Arthagone™ Knee & Back Pain Relief Belts લોન્ચ કરવામાં આવ્યા છે. કંપનીને ભારત સરકારના ડિપાર્ટમેન્ટ ફોર પ્રમોશન ઓફ ઇન્ડસ્ટ્રી એન્ડ ઇન્ટરનલ ટ્રેડ (DPIIT) દ્વારા માન્યતા પ્રાપ્ત સ્ટાર્ટઅપ તરીકે ઓળખ આપવામાં આવી છે. આ બેલ્ટ દવા કે સર્જરી વગર કાર્ય કરતી ટ્રિપલ-એક્શન થેરાપી ટેકનોલોજી પર આધારિત છે, જે શરીરની કુદરતી પુનઃપ્રાપ્તિ પ્રક્રિયાને વેગ આપીને દુખાવો, સોજો અને ઝકડનમાં રાહત આપવામાં મદદરૂપ બને છે.
જી.એમ.ઇ.આર.એસ. (GMERS) જનરલ હોસ્પિટલ, ગાંધીનગર ખાતે સારવાર હેઠળ રહેલી ૨૪ વર્ષીય યુવતી કાજલબેન કિસ્મત રાઠોડને તબીબો દ્વારા ગુરુવારે 'બ્રેઈન ડેડ' જાહેર કરવામાં આવ્યા હતા. આ કપરા સમયે પણ કાજલબેનના પરિવારે ભારે હૃદયે માનવતા દાખવીને તેમના અંગદાન માટેની લેખિત સહમતી આપી હતી. કાજલબેનના શરીરના મહત્વના અંગો જેવા કે બે કિડની, સ્વાદુપિંડ (પેનક્રિયાસ) અને લિવર અન્ય જરૂરિયાતમંદ દર્દીઓને નવજીવન આપી શકે તેમ હોવાથી, તેને તાત્કાલિક અમદાવાદ સિવિલ હોસ્પિટલ ખાતે મોકલવાનું નક્કી કરાયું હતું.
રાજ્યભરમાં હાલમાં 4,985થી વધુ નિઃશુલ્ક યોગ વર્ગો કાર્યરત છે, જેમાં દરરોજ અંદાજે 4થી 5 લાખ નાગરિકો યોગાભ્યાસ કરે છે.રાજપૂતે જણાવ્યું કે પ્રધાનમંત્રી નરેન્દ્ર મોદીના યોગને વૈશ્વિક જનઆંદોલન બનાવવાના વિઝનને સાકાર કરવામાં ગુજરાત અગ્રેસર રહ્યું છે.
કૃષિ અને ખેડૂત કલ્યાણ મંત્રી શિવરાજ સિંહ ચૌહાણે જણાવ્યું હતું કે તમિલનાડુ, ગુજરાત, ઉત્તર પ્રદેશ અને હરિયાણામાં ભાવ ટેકાના ભાવ (PSS) હેઠળ ખરીદી કરવામાં આવશે. આનાથી ખેડૂતોને તેમના ઉત્પાદન માટે વાજબી ભાવ મળશે અને તેમને ઓછા ભાવે તેમના પાક વેચવાની ફરજ પડશે નહીં.ઉત્તર પ્રદેશ આ યોજનાનો સૌથી મોટો લાભાર્થી બન્યો છે. ઉનાળા 2026 સીઝન માટે, રાજ્યએ 48,298 મેટ્રિક ટન મગ, 97,970 મેટ્રિક ટન અડદ અને 41,718 મેટ્રિક ટન મગફળીની ખરીદીને મંજૂરી આપી છે.
મુખ્યમંત્રી ભૂપેન્દ્ર પટેલે ગાંધીનગર ખાતે આગામી અલ-નીનોના સંભવિત પ્રભાવ સામે રાજ્યની એકંદર સજ્જતાની સમીક્ષા કરવા માટે એક સર્વગ્રાહી અને ઉચ્ચ સ્તરીય બેઠક યોજી હતી. આ બેઠકમાં કૃષિ મંત્રી જીતુ વાઘાણી તેમજ કૃષિ, સિંચાઈ, પાણી પુરવઠો, નર્મદા, વન અને મહેસૂલ વિભાગના વરિષ્ઠ અધિકારીઓ ઉપસ્થિત રહ્યા હતા. આ મહત્વપૂર્ણ બેઠક બાદ વિગતો આપતા પ્રવક્તા મંત્રી જીતુ વાઘાણીએ કહ્યું કે, ભારતીય હવામાન વિભાગની આગાહી મુજબ અલ-નીનોની સંભવિત પરિસ્થિતિ સામે નાગરિકો, ખેડૂતો અને પશુધનની સુખાકારી માટે રાજ્ય સરકારના તમામ વિભાગો એક થઈને આગોતરા આયોજન સાથે કામ કરી રહ્યા છે.
પ્રધાનમંત્રી નરેન્દ્ર મોદીએ અનેક ટોચની કંપનીઓના CEO અને વરિષ્ઠ અધિકારીઓને મળ્યા અને તેમને દેશમાં ઝડપથી વિકસતા ઉત્પાદન અને નવીનતા ઇકોસિસ્ટમ વિશે માહિતી આપી. વિદેશ મંત્રાલયના પ્રવક્તા રણધીર જયસ્વાલે સોશિયલ મીડિયા પ્લેટફોર્મ X પર લખ્યું, “પ્રધાનમંત્રી મોદી મિસ્ટ્રલ AIના સહ-સ્થાપક અને સીઈઓ આર્થર મેન્શને મળ્યા. પ્રધાનમંત્રીએ ભારતના વિકસતા AI ઇકોસિસ્ટમમાં રહેલી તકો પર પ્રકાશ પાડ્યો. મેન્શે ભારત સાથે સહયોગ કરવામાં અને નવીનતાને પ્રોત્સાહન આપવા અને AI ક્ષમતાઓને વિસ્તૃત કરવા માટે ભારતીય કંપનીઓ સાથે ભાગીદારીમાં મિસ્ટ્રલ AI ના રસ વ્યક્ત કર્યો.
