Skip to main content
Settings Settings for Dark

Live TV

X

નડિયાદમાં દિવ્યાંગજનો માટે યોજાઈ ક્રિકેટ મેચ

નડિયાદમાં ડુમરાલ પાસે જે.ડી.પટેલ મેદાનમાં એક અનોખી ક્રિકેટ મેચ યોજાઈ હતી.

નેક્સેસ ગ્રૂપના ધર્મેશભાઈ પટેલ અને અમુલ ડેરીના ચેરમેન વિપુલ પટેલ તથા ડુમરાલ પ્રીમિયર લીગના જીત પટેલના સહકાર અને સૌજન્યથી યોજાયેલી દિવ્યાંગજનો માટેની વિશેષ ક્રિકેટ મેચમાં ગુજરાત અને ગુજરાત બહારના વિવિધ રાજ્યોના દિવ્યાંગ ક્રિકેટરોએ વ્હીલ ચૅર પર કુશળતાપૂર્વક ક્રિકેટ મેચ ખેલી પોતાનું અનોખું કૌશલ્ય પ્રદર્શિત કર્યું હતું.

Gujarati

ઇન્ડિયન પ્રીમિયર લીગ: લખનઉ સુપર જાયન્ટ્સે સનરાઇઝર્સ હૈદરાબાદને 5 વિકેટે હરાવ્યું

હૈદરાબાદમાં ગઈકાલે ઈન્ડિયન પ્રીમિયર લીગ ક્રિકેટમાં લખનઉ સુપર જાયન્ટ્સે સનરાઈઝર્સ હૈદરાબાદને 5 વિકેટથી હરાવ્યું. લખનઉએ ૧૯૧ રનનો લક્ષ્યાંક માત્ર ૧૬ ઓવર અને એક બોલમાં ૫ વિકેટ ગુમાવીને હાંસલ કરી લીધો. લખનઉ માટે નિકોલસ પૂરને 70 રન અને મિશેલ માર્શે 52 રનનું યોગદાન આપ્યું. હૈદરાબાદ તરફથી પેટ કમિન્સે 2 વિકેટ લીધી.

આ પહેલા હૈદરાબાદે 20 ઓવરમાં 9 વિકેટે 190 રન બનાવ્યા હતા. ટ્રેવિસ હેડે 47 અને અનિકેત વર્માએ 36 રન બનાવ્યા.

Gujarati

પ્રધાનમંત્રી મોદીએ બેલ્જિયમના રાજા ફિલિપ સાથે કરી વાત

પ્રધાનમંત્રી મોદીએ બેલ્જિયમના રાજા ફિલિપ સાથે વાત કરી. પીએમ મોદીએ HRH પ્રિન્સેસ એસ્ટ્રિડના નેતૃત્વમાં તાજેતરમાં ભારત આવેલા બેલ્જિયમ આર્થિક મિશનની પ્રશંસા કરી. 

પીએમ મોદીએ ઇન્સ્ટાગ્રામ પર એક પોસ્ટમાં કહ્યું, બેલ્જિયમના રાજા ફિલિપ સાથે વાત કરીને ખૂબ આનંદ થયો. HRH પ્રિન્સેસ એસ્ટ્રિડના નેતૃત્વમાં ભારતમાં તાજેતરના બેલ્જિયમ આર્થિક મિશનની પ્રશંસા કરું છું. અમે અમારા મજબૂત દ્વિપક્ષીય સંબંધોને વધુ ગાઢ બનાવવા, વેપાર અને રોકાણને પ્રોત્સાહન આપવા અને નવીનતા અને સ્થાયીપણામાં સહયોગને આગળ વધારવા અંગે ચર્ચા કરી.

Gujarati

અમદાવાદ કોર્ટે આપેલ ગૌહત્યા કેસના ચુકાદા મુદ્દે ગૃહમંત્રી હર્ષ સંઘવીની પ્રતિક્રિયા

ગઈકાલે અમદાવા કોર્ટે આપેલ ગૌ હત્યા કેસના ચૂકાદા મુદ્દે ગૃહરાજ્યમંત્રીની પ્રતિક્રિયા - કહ્યું, અમે ગૌ રક્ષા માટે મજબૂતીથી ઉભા છીએ -ગુજરાત પોલીસ અને કાયદા વિભાગને ગૃહરાજ્યમંત્રીએ પાઠવ્યા અભિનંદન...

ગૃહ રાજ્યમંત્રી હર્ષ સંઘવીએ વિધાનસભાના સત્ર બાદ મહત્વની જાણકારી આપી હતી. જેમાં તેમણે જણાવ્યું હતું કે, ગૌહત્યા પ્રતિબંધનો કાયદો લાવનાર ગુજરાત સરકાર દેશમાં પ્રથમ છે. 

Gujarati

રાજ્યમાં વધ્યું ગરમીનું પ્રમાણ, 7 શહેરોનું તાપમાન 40 ડિગ્રીને પાર

ગુજરાતમાં થોડા દિવસથી નરમ પડેલી ગરમીએ હવે ફરી માથું ઊંચક્યું છે. રાજ્યના તાપમાનમાં 2 થી 3 ડિગ્રીનો વધારો જોવા મળી રહ્યો છે. 

41 ડિગ્રી મહત્તમ તાપમાન સાથે રાજકોટ રાજ્યનું સૌથી ગરમ શહેર તો અમદાવાદ, અમરેલી, વડોદરા, ભુજ, ડાંગ અને ગાંધીનગરમાં મહત્તમ તાપમાન 40 ડિગ્રીને પાર પહોંચ્યું. 

હવામાન વિભાગની આગાહી અનુસાર આગામી 24 કલાક ગુજરાતમાં ગરમી યથાવત રહેશે. વેસ્ટર્ન ડિસ્ટબર્ન્સને કારણે આગામી બે દિવસ બાદ તાપમાનમાં 2 થી 3 ડિગ્રીનો ઘટાડો થશે.

Gujarati

‘મેક ઇન ઇન્ડિયા’ દ્વારા સંરક્ષણ વિકાસને પ્રોત્સાહન

‘મેક ઇન ઇન્ડિયા’ પહેલના પ્રારંભ પછી 2023-24 દરમિયાન ભારતે સ્વદેશી રક્ષા ઉત્પાદનમાં ઐતિહાસિક વૃદ્ધિ નોંધાવી છે. રક્ષા ઉત્પાદનનો આંકડો 1.27 લાખ કરોડ રૂપિયા સુધી પહોંચ્યો છે, જે અત્યાર સુધીનો સૌથી ઊંચો રેકોર્ડ છે.

મંત્રાલયે જણાવ્યું હતું કે, એક સમયે વિદેશી સપ્લાયર્સ પર નિર્ભર રહેતો આ દેશ હવે સ્વદેશી ઉત્પાદનમાં ઉભરતી શક્તિ બની ગયો છે અને સ્થાનિક ક્ષમતાઓ દ્વારા તેના લશ્કરી દળનું નિર્માણ કરી રહ્યો છે.

દેશની સંરક્ષણ નિકાસ પણ 2013-14માં 686 કરોડ રૂપિયાથી વધીને 2023-24માં 21 હજાર કરોડ રૂપિયાથી વધુ થઈ ગઈ. છેલ્લા 10 વર્ષમાં ભારતના રક્ષા નિકાસમાં 30 ગણા વૃદ્ધિ નોંધાઈ છે. 

Gujarati

અમેરિકન અધિકારીઓનું પ્રતિનિધિમંડળ આજે ભારતની મુલાકાતે

અમેરિકાના અધિકારીઓનું પ્રતિનિધિમંડળ આજે ભારતની મુલાકાત લેશે અને ભારતીય અધિકારીઓ સાથે વેપાર સંબંધિત ચર્ચાઓ કરશે.

આ મુલાકાત અમેરિકાના રાષ્ટ્રપતિ ડોનાલ્ડ ટ્રમ્પની યોજનાના સંદર્ભમાં છે, જેમાં તેઓ વિવિધ દેશો પર પ્રતિકૂળ ટેરિફ લાગુ કરવાની યોજના બનાવી રહ્યા છે, જેમાં ભારતનો પણ સમાવેશ થાય છે.

અમેરિકાના વેપાર અધિકારીઓ દ્વારા પ્રસ્તાવિત ટેરિફ 2 એપ્રિલથી અમલમાં આવવાની શક્યતા છે, જેના કારણે ભારતીય નિકાસકારોમાં ચિંતા વધી રહી છે.

Gujarati

નવી દિલ્હીમાં આજે "એક રાષ્ટ્ર, એક ચૂંટણી" પર સંયુક્ત સંસદીય સમિતિની બેઠક

"એક દેશ, એક ચૂંટણી" વિષય પર સંયુક્ત સંસદીય સમિતિની બેઠક આજે નવી દિલ્હીમાં સંસદ ભવન પરિસેર ખાતે યોજાશે.

આ સમિતિ દૂરસંચાર વિવાદ નિરાકરણ અને અપીલ ન્યાયાધિકરણ (TDSAT)ના અધ્યક્ષ અને દિલ્હી હાઈકોર્ટના પૂર્વ મુખ્ય ન્યાયાધીશ, ન્યાયમૂર્તિ ડી.એન. પટેલ સાથે ચર્ચા કરશે.

JPC દેશના હિતધારકો તરફથી તેમના વિચારો જાણી રહી છે. જેમાં ખેડૂત, પત્રકાર, જજ સહિત રાજનૈતિક દળોના નેતાઓનો સમાવેશ કરવામાં આવ્યો છે.

ત્યાર બાદ સમિતિ ભારતના એટર્ની જનરલ આર. વેંકટરમણી સાથે પણ બેઠક કરશે. સમિતિની આગામી બેઠક આગામી મહિનાની 2જી તારીખે યોજાશે, જેમાં બે અન્ય પ્રતિષ્ઠિત વ્યક્તિઓ સાથે ચર્ચા થશે.

 

Gujarati

રાજ્યસભામાં બેન્કિંગ કાનૂન સંશોધન બિલ, આપત્તિ વ્યવસ્થાપન સંશોધન બિલ થશે પસાર

સંસદના બજેટસત્રના બીજા તબક્કામાં આજે રાજ્યસભામાં બેન્કિંગ કાનૂન સંશોધન બિલ સહિત આપત્તિ વ્યવસ્થાપન સંશોધન બિલ પસાર થશે તો લોકસભામાં આજે બજેટ પર ચર્ચા.

સંસદના બંને ગૃહોમાં વિવિધ સંસાધનો સાથે જોડાયેલ બજેટીય પ્રાવધનો પર ચર્ચા ચાલી રહી છે. જે અંતર્ગત આજે રાજ્યસભામાં શૂન્યકાળ અને પ્રશ્નકાળ દરમિયાન રાજ્યસભામાં બેન્કિંગ સંશોધન વિધેયક-2024 વિચાર અને પસાર કરવાનો પ્રસ્તાવ નાણામંત્રી નિર્મલા સીતારમણ કરશે.

Gujarati

અમદાવાદમાં આજે ગુજરાત ટાઇટન્સ અને પંજાબ કિંગ્સ વચ્ચે મુકાબલો

અમદાવાદમાં આજે ગુજરાત ટાઇટન્સ અને પંજાબ કિંગ્સ વચ્ચે મુકાબલો, અમદાવાદ ટ્રાફિક પોલીસ સજ્જ.

ઈન્ડિયન પ્રીમિયર લીગની 18મી સીઝનની પાંચમી મેચ આજે ગુજરાત ટાઇટન્સ અને પંજાબ કિંગ્સ વચ્ચે રમાશે. આ મેચ અમદાવાદના નરેન્દ્ર મોદી સ્ટેડિયમ ખાતે સાંજે 7:30 વાગ્યે શરૂ થશે.

ગુજરાતે તેના હોમ ગ્રાઉન્ડ નરેન્દ્ર મોદી સ્ટેડિયમમાં કુલ 16 મેચ રમી છે. જેમાંથી 9માં જીત મેળવી છે તો 7 મેચમાં હારનો સામનો કરવો પડ્યો છે. આ મેદાન પર ટીમે પોતાનું પહેલું IPL ટાઇટલ પણ જીત્યું છે.

Gujarati

Pages

X
  • Today’s Forecast Max Temp : °C Min Temp : °C Rainfall : mm

    Forecast

    • 14-06-2026 Max Temp : °C Min Temp : °C
    • 15-06-2026 Max Temp : °C Min Temp : °C
    • 16-06-2026 Max Temp : °C Min Temp : °C
    • 17-06-2026 Max Temp : °C Min Temp : °C
    • 18-06-2026 Max Temp : °C Min Temp : °C
    • 19-06-2026 Max Temp : °C Min Temp : °C
apply