આ ફેરફાર પહેલાથી જ અસ્તિત્વમાં રહેલા કલમ 232 ટેરિફનો એક ભાગ છે, જેને સરકાર રાષ્ટ્રીય સુરક્ષાનું રક્ષણ કરવા અને સ્થાનિક ધાતુ ઉદ્યોગને મજબૂત બનાવવા માટે જરૂરી માને છે.નવા આદેશ અનુસાર, હાર્વેસ્ટર અને કમ્બાઈન હાર્વેસ્ટર જેવા કૃષિ સાધનો પર 25 ટકા ટેરિફ ઘટાડીને 15 ટકા કરવામાં આવ્યો છે. આ રાહત 31 ડિસેમ્બર, 2027 સુધી અમલમાં રહેશે. સરકાર જણાવે છે કે આનો હેતુ એવા ક્ષેત્રોને મદદ કરવાનો છે જે આ સાધનો પર ખૂબ આધાર રાખે છે અને યુએસમાં ઉત્પાદનમાં રોકાણ વધારવાનો છે.

ગૃહ મંત્રીની કચેરીએ એક્સ (X) પ્લેટફોર્મ પર એક પોસ્ટમાં જણાવ્યું હતું કે, “માનનીય કેન્દ્રીય ગૃહ મંત્રી અમિત શાહ દ્વારા આજે નવી દિલ્હીમાં રાષ્ટ્રીય સ્વતંત્ર પાર્ટી (RSP) ના અધ્યક્ષ રબી લામિછાનેના નેતૃત્વમાં નેપાળી પ્રતિનિધિમંડળ સાથે એક બેઠક યોજવામાં આવી હતી. માનનીય ગૃહ મંત્રીએ ચૂંટણીમાં આરએસપી (RSP) ની જીત બદલ લામિછાનેને અભિનંદન પાઠવ્યા હતા અને નવી સરકારની સફળતા માટે ભારતની શુભેચ્છાઓ પાઠવી હતી. બંને પક્ષોએ ભારત અને નેપાળ વચ્ચેના વિશેષ સંબંધોને વધારવા માટે સાથે મળીને કામ કરવાનો દ્રઢ સંકલ્પ વ્યક્ત કર્યો હતો.”
 

ગાંધીનગર ખાતે આયોજિત એક ગૌરવપૂર્ણ સમારોહમાં મુખ્યમંત્રી ભૂપેન્દ્ર પટેલે પ્રતિક રૂપે 21 યુવાઓને રૂબરૂ નિમણૂંક પત્રો એનાયત કર્યા હતા, જ્યારે અન્ય ઉમેદવારોને ઈ-મેઈલ દ્વારા પત્રો મોકલી દેવામાં આવ્યા છે.નવનિયુક્ત ઉમેદવારોને સંબોધતા મુખ્યમંત્રી શ્રી ભૂપેન્દ્ર પટેલે જણાવ્યું હતું કે, વર્તમાન સમયમાં રાસાયણિક ખેતી ઘટાડીને પ્રાકૃતિક ખેતી તરફ ખેડૂતોને વાળવા એ મોટી ઈશ્વરીય તક છે. વડાપ્રધાન નરેન્દ્ર મોદીની આત્મનિર્ભરતાની અપીલને છેવાડાના ખેડૂત સુધી પહોંચાડવાની જવાબદારી હવે આ યુવા વર્કફોર્સના શિરે છે.

એક ટેન્કર પલટી મારતા તેને બચાવવા જતાં મહારાષ્ટ્ર પાસિંગની બે સરકારી બસો સામસામે અથડાતા 5 થી વધુ મુસાફરોના કરૂણ મોત નિપજ્યા હોવાના અહેવાલ છે.ઘટનાક્રમ મુજબ, હાઈવે પર એક ટેન્કર અચાનક પલટી મારી ગયું હતું. આ ટેન્કર સાથે અથડામણ ટાળવા જતાં પાછળથી આવતી એક સરકારી બસના ચાલકે સ્ટેયરિંગ પરથી કાબૂ ગુમાવતા બસ ડિવાઈડર કૂદીને રોંગ સાઈડમાં જઈને સામેથી આવતી અન્ય એક સરકારી બસ સાથે અથડાઈ હતી. આ ટક્કર એટલી પ્રચંડ હતી કે એક બસ પલટી ગઈ હતી.

શહેરના અલગ-અલગ વિસ્તારોમાં એક્સપાયરી ડેટ વીતી ગયેલી ચોકલેટ અને પેપ્સીનું વેચાણ કરતા વેપારીના ગોડાઉન પર દરોડા પાડીને મોટા પ્રમાણમાં અખાદ્ય જથ્થો જપ્ત કરવામાં આવ્યો છે.મળતી માહિતી મુજબ, લખનભાઈ પોપટ નામના વેપારી પોપટપરા, રેલનગર, ભગવતીપરા, ગંજીવાડા અને મોરબી રોડ જકાતનાકા સહિતના ગ્રામ્ય વિસ્તારોમાં છેલ્લા ચાર મહિનાથી એક્સપાયરી ડેટવાળી ચોકલેટનું વેચાણ કરતા હતા. આ ચોકલેટ છ મહિનાથી લઈને એક વર્ષ સુધી જૂની હોવાનું તપાસમાં બહાર આવ્યું છે.

આ કાર્યક્રમનું ઉદ્ઘાટન અમદાવાદ સેન્ટ્રલ જેલના સુપરિન્ટેન્ડન્ટ શ્રી ગૌરવ અગ્રવાલ(IPS) દ્વારા કરવામાં આવ્યું હતું.અમદાવાદ સેન્ટ્રલ જેલના સુપરિન્ટેન્ડન્ટ શ્રી ગૌરવ અગ્રવાલે ઉપસ્થિત સહભાગીઓને સંબોધિત કરતા જેલ કર્મચારીઓમાં માનસિક સ્વાસ્થ્ય અંગેની સાક્ષરતાની જરૂરિયાત પર ખાસ ભાર મૂક્યો હતો. તેમણે જણાવ્યું હતું કે, જેલ જેવા સંવેદનશીલ વાતાવરણમાં માનસિક સ્વાસ્થ્યના જોખમોને વહેલી તકે ઓળખવા ખૂબ જ જરૂરી છે. તેમણે જેલના વાતાવરણને વધુ સુરક્ષિત અને માનવતાવાદી બનાવવા માટે સામૂહિક પ્રયાસોના મહત્વ પર પણ પ્રકાશ પાડ્યો હતો.

રાજ્યના પોલીસ વડા ડૉ. કે. એલ. એન. રાવના માર્ગદર્શન હેઠળ શરૂ થયેલી આ સિંગલ-વિન્ડો વ્યવસ્થા નાગરિકોની ફરિયાદો અને પ્રશ્નોના ન્યાયસંગત નિરાકરણ માટે સક્ષમ માધ્યમ બની છે.રાજ્યના પોલીસ વડાએ કેન્દ્રની મુલાકાત લઈ કામગીરીની સમીક્ષા કરી હતી. તેમણે જણાવ્યું હતું કે, આ કાર્યાલય માત્ર અરજીઓ સ્વીકારવાનું સ્થળ નથી, પરંતુ ગુજરાત પોલીસની 'સુરક્ષા, સેવા અને વિશ્વાસ'ની ભાવનાનું પ્રતિક છે.

વર્ષ 2020 માં શરૂ થયેલી આ યોજના હેઠળ અત્યાર સુધીમાં અંદાજે 58 કરોડના ખર્ચ સાથે રાજ્યના 34 જિલ્લાઓમાં કારીગરોના જીવનમાં સકારાત્મક પરિવર્તન આવ્યું છે.21,690 થી વધુ કારીગરો જોડાયા, જેમાં 82 ટકા મહિલાઓનો સમાવેશ થાય છે.15,586 કારીગરોને ઉદ્યોગસાહસિકતા અને 9,292ને વિશિષ્ટ કૌશલ્યની તાલીમ અપાઈ છે. આ માટે 70 માસ્ટર ટ્રેનર્સ અને 150 મેન્ટર્સનું નેટવર્ક કાર્યરત છે. 9,300 કારીગરોને B2B ઑર્ડર દ્વારા માર્કેટ સાથે જોડવામાં આવ્યા છે.

બાતમીના આધારે રેલવે SOGની ટીમે પુરી-ગાંધીધામ એક્સપ્રેસ ટ્રેનમાં તપાસ હાથ ધરી હતી. આ દરમિયાન ટ્રેનના દિવ્યાંગ કોચના ટોયલેટમાંથી ગાંજાનો મોટો જથ્થો બિનવારસી હાલતમાં મળી આવ્યો હતો. તસ્કરોએ પોલીસને ચકમો આપવા માટે આ ગાંજો ટોયલેટમાં છુપાવ્યો હતો.નોંધનીય છે કે, માત્ર 12 દિવસના ટૂંકા ગાળામાં જ આ પ્રકારની બીજી ઘટના સામે આવી છે. અગાઉ પુરી-ઓખા ટ્રેનમાંથી પણ આ જ મોડસ ઓપરેન્ડી દ્વારા ગાંજો ઝડપાયો હતો. આમ, છેલ્લા 12 દિવસમાં પોલીસે કુલ 170 કિલો ગાંજો અને રૂ. 85  લાખનો મુદ્દામાલ જપ્ત કરીને દાણચોરોની ગેંગ પર તવાઈ બોલાવી છે. હાલ રેલવે પોલીસે અજાણ્યા ઈસમો વિરુદ્ધ ગુનો નોંધી વધુ તપાસ હાથ ધરી છે.

શહેરના વિવિધ બ્રિજ નીચે આવેલી બિનઉપયોગી જગ્યાઓને અત્યાધુનિક 'સ્પોર્ટ્સ એક્ટિવિટી સેન્ટર્સ'માં પરિવર્તિત કરવામાં આવી રહી છે.અહીં અંડરબ્રિજ નીચે સ્પોર્ટ્સ સેન્ટર તૈયાર થઈ ચૂક્યા છે. લક્ષ્મણરાવ વકીલ બ્રિજ, અંજલી બ્રિજ, ઘોડાસર બ્રિજ સહિત અનેક ફ્લાય ઓવરબ્રિજ નીચે સુવિધાઓ વિકસાવવાની કામગીરી તેજ કરવામાં આવી છે.તમામ પ્રોજેક્ટ્સને પબ્લિક-પ્રાઇવેટ પાર્ટનરશિપ (PPP) મોડલ હેઠળ ચલાવવા ટેન્ડર પ્રક્રિયા શરૂ કરાઈ છે.અહીં ક્રિકેટ, ફૂટબોલ, બાસ્કેટબોલ, બેડમિન્ટન, સ્કેટિંગ ઉપરાંત એરહોકી, ચેસ, કેરમ અને પિકલ બોલ જેવી અનેક રમતોની સુવિધા ઉપલબ્ધ છે.