આજથી ઈન્ડિયન પ્રીમીયર લીગનો રોમાંચ શરૂ થવા જઈ રહ્યો છે. બેંગલુરુના ચિન્નાસ્વામી સ્ટેડિયમમાં IPLની 19મી આવૃત્તિની શરૂઆત થશે. પ્રથમ મેચમાં ચેમ્પિયન RCBનો સામનો સનરાઈઝર્સ હૈદરાબાદ સામે થશે. આ સીઝનમાં પણ 10 ટીમો ભાગ લઈ રહી છે અને કુલ 70 લીગ સ્પર્ધા થશે. જે દેશના 13 અલગ-અલગ સ્થળો પર આયોજિત થશે. તમામ 10 ટીમો લીગ સ્ટેજમાં 14-14 સ્પર્ધા રમાશે અને મુખ્ય ચાર ટીમો પ્લેઓફમાં પહોંચશે. 2026નો પહેલો ફેઝ 28 માર્ચથી લઈને 12 એપ્રિલ સુધી ચાલશે, પછી બીજો ફેઝ 13 એપ્રિલથી શરૂ થશે અને 24 મે સુધી ચાલુ રહેશે. પહેલા ફેઝમાં 20 અને બીજા ફેઝમાં 50 સ્પર્ધા થશે.આ સીઝનમાં કુલ 12 ડબલ હેડર સ્પર્ધા યોજાશે. 

નાયબ મુખ્યમંત્રી હર્ષ સંઘવીના હસ્તે ગુજરાત રાજ્ય માર્ગ વાહનવ્યવહાર નિગમ અને મેસર્સ કતીરા કન્સ્ટ્રક્શન પ્રા.લિ. દ્વારા પબ્લિક પ્રાઇવેટ પાર્ટનરશિપ મોડલ હેઠળ પાટણ ખાતે નિર્મિત આધુનિક બસપોર્ટનું લોકાપર્ણ કરવામાં આવ્યું હતું. નાયબ મુખ્યમંત્રી હર્ષ સંઘવીએ રીબીન કાપી આઇકોનિક બસ પોર્ટની તકતીનું અનાવરણ કર્યું હતું. આ અવસરે નાયબ મુખ્યમંત્રી હર્ષ સંઘવીએ જિલ્લાને ત્રણ નવીન AC બસો આપવાની જાહેરાત કરી હતી. બસપોર્ટના લોકાર્પણ બાદ નાયબ મુખ્યમંત્રી હર્ષ સંઘવી નગરદેવી કાલિકા માતાજીના મંદિર પહોંચ્યા હતા, જ્યાં તેમણે માતાજીની પૂજા અર્ચન કરી આશિર્વાદ મેળવ્યા હતા.

પશ્ચિમ એશિયામાં ઉભરતા સંકટને ધ્યાનમાં રાખીને PM મોદીએ શુક્રવારે વીડિયો કોન્ફરન્સના માધ્યમથી તમામ રાજ્યોના મુખ્યમંત્રીઓ અને કેન્દ્રશાસિત પ્રદેશોના ઉપરાજ્યપાલો સાથે મહત્વપૂર્ણ બેઠક યોજી હતી. આ બેઠકમાં વર્તમાન પરિસ્થિતિની સમીક્ષા કરવામાં આવી હતી અને દેશની તૈયારી, પુરવઠા શૃંખલા, ઉર્જા સુરક્ષા અને તેના નાગરિકોના હિતોનું રક્ષણ કરવા અંગે વ્યાપક ચર્ચા કરવામાં આવી હતી.

રાજ્યના તમામ જિલ્લાઓના ‘જિલ્લાકક્ષાના માસ્ટર ટ્રેનર્સ’ (DLMTs) માટે રાજ્યના ત્રણ મુખ્ય કેન્દ્રો પર એક દિવસીય સઘન તાલીમનું આયોજન કરવામાં આવ્યું હતું.વહીવટી સુગમતા માટે રાજ્ય ચૂંટણી આયોગ દ્વારા સમગ્ર રાજ્યને ત્રણ ઝોનમાં વહેંચવામાં આવ્યું છે. જે અંતર્ગત આજે ગાંધીનગર કલેક્ટર કચેરી ખાતે ઉત્તર ઝોનનો તાલીમ કાર્યક્રમ યોજાયો હતો. આ ઝોનમાં ગાંધીનગર, અમદાવાદ, અરવલ્લી, પાટણ, બનાસકાંઠા, મહેસાણા, વાવ-થરાદ, સાબરકાંઠા, આણંદ, ખેડા, દાહોદ, પંચમહાલ અને મહીસાગર એમ કુલ 13 જિલ્લાઓનો સમાવેશ કરવામાં આવ્યો હતો.

ડિસેમ્બર 2025માં મુખ્ય સચિવોની પરિષદ દરમિયાન ભારતના પ્રધાનમંત્રીએ કુશળ માનવ મૂડી વિકસાવવાની અત્યંત આવશ્યકતા પર જે ભાર મૂક્યો હતો, તેને ધ્યાનમાં લેતા આ સિદ્ધિનું મહત્વ ઘણું વધી જાય છે.આ રાષ્ટ્રીય અગ્રતાને પ્રતિસાદ આપતા, કૃષિ અને ખેડૂત કલ્યાણ મંત્રાલય હેઠળની ભારતીય કૃષિ અનુસંધાન પરિષદ (ICAR), નેશનલ એગ્રીકલ્ચરલ રિસર્ચ એજ્યુકેશન એન્ડ એક્સટેન્શન સિસ્ટમ (NAREES) ની અંદર વિશ્વસ્તરીય, બહુશાખીય અને સંશોધન-સઘન શિક્ષણ ઇકોસિસ્ટમને મજબૂત કરવા માટે અથાક મહેનત કરી રહી છે.

ખેડૂતોને મહત્તમ ટેકાના ભાવનો લાભ મળી રહે તે માટે બાજરી તેમજ જુવારની ખરીદી ઉપર ટેકાના ભાવ ઉપરાંત રૂ. 300 પ્રતિ ક્વી. બોનસની ચુકવણી કરવામાં આવશે. જે અંતર્ગત રાજ્ય સરકાર દ્વારા ખેડૂતોને તેઓના ઉપ્તાદનના પોષણક્ષમ ભાવ મળી રહે તે માટે રવિ માર્કેટીંગ સીઝન 2026-27 અંતર્ગત લઘુત્તમ ટેકાના ભાવે બાજરી, જુવાર તથા મકાઈની ખરીદી ગુજરાત રાજ્ય નાગરીક પુરવઠા નિગમ લી. મારફતે કરવામાં આવશે, તેમ યાદીમાં જણાવાયું છે.

મુખ્યમંત્રી સમક્ષ સમાજના વિવિધ અગ્રણીઓ, કિસાન સંઘ તથા ખેડૂત સંગઠનો દ્વારા કરવામાં આવેલી રજૂઆતનો તેમણે સકારાત્મક પ્રતિસાદ આપીને આ ખેડૂત તથા પ્રજા હિતકારી નિર્ણય કર્યો છે. ગુજરાત સ્ટેમ્પ અધિનિયમ 1958ની કલમ 9 હેઠળ રાજ્ય સરકારને સ્ટેમ્પ ડ્યુટી ઘટાડવા અથવા માફ કરવા મળેલી સત્તા અન્વયે મુખ્યમંત્રી શ્રી ભૂપેન્દ્ર પટેલે ખેતીની જમીન અંગેના કેટલાક કિસ્સાઓમાં જંત્રી આધારિત સ્ટેમ્પ ડ્યુટીની જોગવાઈઓમાંથી રાહત આપીને રૂપિયા 300 ટોકન સ્ટેમ્પ ડ્યુટી લાગુ કરવાનો નિર્ણય કર્યો છે. 

આ વિધેયક દ્વારા રાજ્યની તમામ મહિલાઓને જાતિ કે ધર્મના ભેદભાવ વગર સમાન કાનૂની રક્ષણ અને સુરક્ષા કવચ પૂરું પાડવામાં આવ્યું છે.પ્રધાનમંત્રી નરેન્દ્ર મોદીના ‘એક ભારત શ્રેષ્ઠ ભારત’ના વિઝનને સાકાર કરવાના મક્કમ નિર્ધાર સાથે આ બિલ રજૂ કરતા મુખ્યમંત્રીએ જણાવ્યું હતું કે, "વિકસિત ભારત-2047ના અમૃતકાળમાં દેશને સમાનતાનું અમૃત યુસીસી (UCC) થી આપવાનો આ અમારો સંકલ્પ છે."આ કાયદામાં લગ્ન, છૂટાછેડા અને વારસા જેવા મુદ્દાઓ પર તમામ સમુદાયો માટે સમાન માળખું સૂચવવામાં આવ્યું છે:લગ્નના 60 દિવસમાં નોંધણી કરાવવી અનિવાર્ય છે. નોંધણી ન કરાવવા બદલ ₹10,000 સુધીના દંડની જોગવાઈ છે.કોર્ટ દ્વારા માન્ય છૂટાછેડા જ માન્ય રહેશે.

જોકે, પંપ પર ભાવ ઘટાડાથી જનતા પર તાત્કાલિક અસર થશે નહીં.સરકારે સ્પષ્ટતા કરી છે કે પેટ્રોલ અને ડીઝલના છૂટક ભાવ યથાવત રહેશે. આ ઘટાડો તેલ કંપનીઓ (OMCs) દ્વારા થતા નુકસાનને ઘટાડવા માટે કરવામાં આવ્યો છે.

સરકારના જણાવ્યા અનુસાર, છેલ્લા મહિનામાં ક્રૂડ ઓઇલના ભાવ આશરે $70 પ્રતિ બેરલથી વધીને $122 પ્રતિ બેરલ થયા છે. આ વધારો પશ્ચિમ એશિયામાં ચાલી રહેલા તણાવને કારણે છે.હાલમાં, તેલ કંપનીઓ પેટ્રોલ પર પ્રતિ લિટર આશરે ₹26 અને ડીઝલ પર પ્રતિ લિટર આશરે ₹81.90નું નુકસાન કરી રહી છે. સંયુક્ત નુકસાન આશરે ₹2,400 કરોડ પ્રતિ દિવસ હોવાનો અંદાજ છે.

 આ ક્રાયક્રમમાં મુખ્યમંત્રી અને ઉપસ્થિત મહાનુભાવોના હસ્તે SSIP 2.O, નમો લક્ષ્મી, નમો સરસ્વતી વિજ્ઞાન સાધના, મુખ્યમંત્રી જ્ઞાન સાધના મેરીટ અને મુખ્યમંત્રી જ્ઞાનસેતુ મેરીટ સ્કોલરશીપ યોજનાના અંદાજે 13.96 લાખથી વધુ વિદ્યાર્થીઓના ખાતામાં DBTના માધ્યમથી રૂ.