કેન્દ્રીય નાણાં અને કોર્પોરેટ બાબતોના મંત્રી નિર્મલા સીતારામને આ સેમિનારમાં મુખ્ય પ્રવચન આપતા જણાવ્યું હતું કે બ્રિક્સ અર્થતંત્રો વૈશ્વિક ગ્રોથ એન્જિન છે, જેણે મોટા પાયે ખાનગી મૂડી એકત્રિત કરવા માટે સમાન માળખાકીય અવરોધોનો સામનો કરવો પડે છે.નાણાં મંત્રીએ ભારતના અનુભવને ટાંકીને જણાવ્યું હતું કે સરકારે સતત જાહેર મૂડી ખર્ચ અને પૂરક માળખાકીય સુધારાઓ (જેવા કે VGF, HAM અને નેશનલ ઇન્ફ્રાસ્ટ્રક્ચર પાઇપલાઇન) દ્વારા ઇન્ફ્રાસ્ટ્રક્ચર ઇકોસિસ્ટમને મજબૂત બનાવી છે. આ બેઠકમાં આર્થિક બાબતોના વિભાગના સચિવ અનુરાધા ઠાકુર અને NDB પ્રમુખ સુશ્રી દિલમા રૂસેફ સહિત અનેક અગ્રણીઓ ઉપસ્થિત રહ્યા હતા.

આયોગના ચેરપર્સન ધર્મિષ્ઠાબેન ગજ્જરે જણાવ્યું હતું કે બાળકોની સુરક્ષા એ કોઈ એક વિભાગની નહીં, પરંતુ સમાજની સહિયારી જવાબદારી છે.બેઠક દરમિયાન આયોગની નવી વેબસાઇટનું લોન્ચિંગ કરવામાં આવ્યું હતું. મિશન વાત્સલ્ય, બાળ મજૂરી અને બાળ લગ્ન જેવા ગંભીર સામાજિક દૂષણોના નિવારણ તેમજ બાળકોના અધિકારોના રક્ષણ માટે સરકાર, આયોગ અને વિવિધ નામાંકિત NGOs વચ્ચે સંકલન વધારવા પર વિશેષ ભાર મૂકવામાં આવ્યો હતો. 

પ્રધાનમંત્રી મોદીની 'એક પેડ મા કે નામ' પહેલ અંતર્ગત નવી દિલ્હીના તાલકટોરા સ્ટેડિયમ ખાતે આ ભવ્ય વૃક્ષારોપણ ઝુંબેશ યોજાઈ હતી.કેન્દ્રીય મંત્રી શિવરાજ સિંહ ચૌહાણે જણાવ્યું હતું કે વૃક્ષ વાવવું એ માત્ર હરિયાળી વધારવા માટે નથી, પરંતુ આવનારી પેઢીઓના ભવિષ્યમાં રોકાણ છે. તેમણે દરેક નાગરિકને દર વર્ષે ઓછામાં ઓછું એક વૃક્ષ વાવવા અને તેના સંરક્ષણની જવાબદારી લેવા અનુરોધ કર્યો હતો. આ પ્રસંગે દિલ્હીના મંત્રીઓઓ મનજિંદર સિંહ સિરસા અને પરવેશ વર્મા સહિત અનેક મહાનુભાવો અને નાગરિકો ઉપસ્થિત રહ્યા હતા.

આ સાથે સંસ્થાએ ગુજરાતમાં પ્રથમ ક્રમ મેળવી એક ગૌરવવંતી ઐતિહાસિક સિદ્ધિ નોંધી છે.1949માં માત્ર 25 વિદ્યાર્થીઓથી શરૂ થયેલી આ કૉલેજ આજે વાર્ષિક 250 વિદ્યાર્થીઓના પ્રવેશ સાથે તબીબી શિક્ષણ, સંશોધન અને આરોગ્યસંભાળનું અગ્રણી કેન્દ્ર બની છે. 22 વિભાગોમાં 1500થી વધુ વિદ્યાર્થીઓ અને 400 જેટલા ફેકલ્ટી સભ્યોના સમર્થન સાથે સંસ્થાએ શૈક્ષણિક ઉત્કૃષ્ટતા જાળવી રાખી છે.પૂર્વ ડીન ડૉ. રંજન અય્યર, વર્તમાન ડીન ડૉ. ધ્રિતિ પરમાર અને સમગ્ર ટીમની આગેવાની તથા વિદ્યાર્થી-કેન્દ્રિત પહેલોને આ સફળતાનો શ્રેય જાય છે. એમ.એસ. યુનિવર્સિટીની અન્ય ફેકલ્ટીઓએ પણ વિવિધ ક્ષેત્રોમાં રેન્કિંગ મેળવી ઉત્કૃષ્ટ પ્રદર્શન કર્યું છે.

ભારતીય ખેલાડીઓએ પ્રભાવશાળી પ્રદર્શન કર્યું, એશિયન પિકલબોલ જુનિયર ઓપન / એશિયન જુનિયર ચેમ્પિયનશિપ 2026માં ત્રણ મેડલ જીત્યા. એશિયા ફેડરેશન ઓફ પિકલબોલ દ્વારા આયોજિત ત્રણ દિવસીય કોન્ટિનેન્ટલ ચેમ્પિયનશિપ થાઇલેન્ડના નાખોન પથોમમાં મહિડોલ યુનિવર્સિટી ખાતે યોજાઈ. એશિયાના ઘણા ઉભરતા જુનિયર પિકલબોલ ખેલાડીઓએ વિવિધ વય શ્રેણીઓમાં ચેમ્પિયનશિપમાં ભાગ લીધો હતો. આ ટુર્નામેન્ટે યુવા ખેલાડીઓને મજબૂત વિરોધીઓ સામે સ્પર્ધા કરવા, મૂલ્યવાન આંતરરાષ્ટ્રીય અનુભવ મેળવવા અને ખંડીય સ્તરે તેમના દેશનું પ્રતિનિધિત્વ કરવા માટે ઉત્તમ આંતરરાષ્ટ્રીય પ્લેટફોર્મ પૂરું પાડ્યું.

પ્રધાનમંત્રી નરેન્દ્ર મોદીએ ભારતના ઝડપથી વિકસતા તબીબી ટેકનોલોજી (મેડ-ટેક) ક્ષેત્રની પ્રશંસા કરી... તેમણે કહ્યું કે, સ્થાનિક ઉત્પાદનને પ્રોત્સાહન, આયાત પર નિર્ભરતામાં ઘટાડો અને વિવિધ સરકારી પ્રોત્સાહન યોજનાઓ સાથે ભારત એક વિશ્વસનીય વૈશ્વિક તબીબી ટેકનોલોજી ભાગીદાર તરીકે ઉભરી રહ્યું છે. પ્રધાનમંત્રીએ સોશિયલ મીડિયા પ્લેટફોર્મ X પર કેન્દ્રીય આરોગ્ય અને પરિવાર કલ્યાણ મંત્રી જે.પી.નડ્ડાના એક લેખને શેર કરતી વખતે આ વાત કહી.

સ્થાનિક ઉત્પાદનને કારણે મેડ-ટેક ક્ષેત્ર મજબૂત બની રહ્યું 

ભાજપના રાજ્યસભા સભ્ય રાઘવ ચઢ્ઢાએ પ્રધાનમંત્રી નરેન્દ્ર મોદી સાથેની તેમની મુલાકાતને યાદગાર ગણાવી અને તેનો ફોટો સોશિયલ મીડિયા પ્લેટફોર્મ X પર શેર કર્યો. ફોટામાં ચઢ્ઢાએ PM મોદીને ભગવાન ગણેશની પ્રતિમા ભેટમાં આપી હતી. તેમણે આ મુલાકાતને શિક્ષણ અને માર્ગદર્શનથી ભરેલી ગણાવી હતી.

પીએમ મોદી સાથેની મુલાકાત ખાસ રહી હોવાનું કહ્યું

મહેસાણા જિલ્લાની મુલાકાતે પધારેલા રાજયપાલ આચાર્ય દેવવ્રતજીએ APMC વિસનગર ખાતે આયોજિત પ્રાકૃતિક કૃષિ પરિસંવાદમાં ખેડૂતો સાથે સંવાદ કર્યો હતો. પરિસંવાદ અગાઉ રાજ્યપાલએ પ્રાકૃતિક ખેતી કરતા ખેડૂતોના પ્રાકૃતિક ખેત પેદાશોના સ્ટોલની મુલાકાત લઇ ખેડૂતો સાથે સંવાદ સાધ્યો હતો.

સોનગઢ તાલુકાના સાદડવેલ ખાતે ‘એક પેડ માં કે નામ 3.0' અભિયાન અંતર્ગત વૃક્ષારોપણ કાર્યક્રમ યોજાયો હતો... નાયબ મુખ્યમંત્રી હર્ષ સંઘવીએ કાર્યક્રમને સંબોધતા કહ્યું કે, હું છેલ્લા ત્રણ વર્ષથી તાપી જિલ્લા ખાતે યોજાતા આ વૃક્ષારોપણ કાર્યક્રમમાં આવી રહ્યો છું. PM નરેન્દ્ર મોદીના નેતૃત્વમાં ચાલી રહેલા આ અભિયાન દ્વારા માતા અને માતૃભૂમિ પ્રત્યેની ભક્તિ તથા પર્યાવરણ સંરક્ષણનો સંદેશ આપવામાં આવી રહ્યો છે.

ચોમાસાની આહલાદક ઋતુ સાથે  ડાંગના સાપુતારામાં 'સાપુતારા મેઘ મલ્હાર પર્વ-2026'નો પ્રારંભ થયો છે. આ મહોત્સવના ઉદ્ઘાટન સમારંભમાં નાયબ મુખ્યમંત્રી હર્ષ સંઘવી ઉપસ્થિત રહ્યા હતા. આજથી 29 ઓગસ્ટ સુધી ચાલનારા મહોત્સવમાં આદિવાસી લોકસંસ્કૃતિ, હસ્તકલા, સ્થાનિક વ્યંજનો સહિત વિવિધ સાંસ્કૃતિક અને પ્રવાસન પ્રવૃત્તિઓ મુખ્ય આકર્ષણના કેન્દ્ર રહેશે.  છેલ્લા 18 વર્ષથી યોજાતો આ મહોત્સવ સહેલાણીઓને મનોરંજન સાથે સ્થાનિકોને રોજગારીની તકો પણ પૂરી પાડી રહ્યો છે.  મહોત્સવના પ્રથમ દિવસે ડાંગના લોકોની જીવનશૈલી પર આધારિત કાર્યક્રમ નિહાળી પ્રવાસીઓમાં ખુશી વ્યાપી હતી.